Ode to My Father (2014)

IMDB Rating: 7.8/10
Language: Korea
Quality: Bluray HEVC 720p/1080p 5.1

ဒီတစ်ခါ RMC ကနေ တင်ဆက်ပေးချင်တဲ့ ကားလေးကတော့ ၂၀၁၄ ခုနှစ်ကထွက်ရှိခဲ့တဲ့ War/Drama အမျိုးအစား မိသားစုသံယောဇဉ်နဲ့ မေတ္တာတရားကို ဖော်ကျူးထားတဲ့ ကားလေးပဲဖြစ်ပါတယ်။ IMDB 7.8/10 နဲ့ Rt 75% ရရှိထားပြီး ဒါရိုက်တာကလည်း Tidal Wave, Sex is Zero, Confidential Assignment တို့ရဲ့ ပဲ့ကိုင်ရှင် Yoon Je-kyoon ဖြစ်တဲ့အပြင် မင်းသားကြီး Hwang Jung Min က အဓိကပါဝင်သရုပ်ဆောင်ထားတာမို့ မကောင်းမှာတော့ မပူရတဲ့ ဇာတ်ကားလေးတစ်ကားပါ။ ၂၀၁၉ ခုနှစ်မှာ ထွက်ရှိခဲ့တဲ့ မင်းသား Salman Khan ရဲ့ အိန္ဒိယဇာတ်ကား Bharat ကလည်း ဒီကားကို adaptation ယူပြီး ရိုက်ကူးခဲ့တာပါ။

ဇာတ်လမ်းအကျဉ်းကို ပြောရရင်တော့ ၁၉၅၀ ခုနှစ်ပိုင်း ကိုရီးယားစစ်ပွဲမှာ မြောက်ဘက်က ထွက်ပြေးဖို့ ကြိုးစားခဲ့သူတွေထဲ ဒေါ့ဆူတို့ မိသားစုလည်း ပါဝင်ခဲ့ပါတယ်။ စစ်ရဲ့ အနိဌာရုံတွေနဲ့ ဆိုးကျိုးအဖြစ် ဒေါ့ဆူက ဖခင်ဖြစ်သူနဲ့ ညီမငယ်လေးနဲ့ ကွဲကွာသွားခဲ့ပြီး “အဖေမရှိရင် သားက အကြီးဆုံးမို့ မိသားစုကို စောင့်ရှောက်ရမယ်”ဆိုတဲ့ စကားတစ်ခွန်းနဲ့ ငယ်ရွယ်တဲ့ဒေါ့ဆူလေးက မိခင်၊ ညီလေးနဲ့ ညီမအငယ်ဆုံးလေးကို သူတတ်စွမ်းသမျှ စောင့်ရှောက်ပေးခဲ့ပါတယ်။
ဘေးဒုက္ခ၊ အန္တရာယ်မျိုးစုံကြားထဲ မိသားစုကို မငတ်အောင် ရှာကျွေးနိုင်ဖို့ ဒေါ့ဆူတစ်ယောက် အလုပ်မျိုးစုံလုပ်ရင်း ကြမ်းတမ်းတဲ့ဘဝကို ဖြတ်သန်းခဲ့ရတာပေါ့လေ။

ဒေါ့ဆူက ပုံမှန်ဆိုရင်တော့ ကမ္ဘာကြီးပေါ်က သာမန်လူဖြစ်ပေမဲ့ သူ့မိသားစုအတွက်တော့ သူက ကမ္ဘာကြီးတစ်ခုဖြစ်ခဲ့တာပါ။ အချိန်တွေ ကြာညောင်းသွားလို့ ကိုရီးယားစစ်ပွဲအတွင်း ကွဲကွာသွားတဲ့ မိသားစုတွေကို ပြန်လည်ဆုံစည်းစေမယ့် KBS ရဲ့ အစီအစဉ်တစ်ခု ပေါ်ပေါက်လာခဲ့ချိန်မှာတော့
ဒေါ့ဆူက ဖခင်နဲ့ ညီမငယ်လေးကို ပြန်လည်ဆုံဆည်းနိုင်ဖို့အရေး အားတက်သရောကြိုးစားပါတော့တယ်။ သူတို့မိသားစုလေး နောက်ဆုံးမှာ ပြန်လည် ပေါင်းစည်းနိုင်မလားဆိုတာနဲ့ ဒေါ့ဆူရဲ့ အစ်ကိုကြီး အဖရာဆိုတဲ့စကားအတိုင်း ဘဝကို အနစ်နာခံခဲ့ပုံတွေကို ဆွတ်ပျံ့ကြည်နူးဖွယ် ရှုစားကြရမှာပါ။ ဝါရင့်သရုပ်ဆောင်ကြီး Hwang Jung Min နဲ့ ပါဝင်တဲ့သရုပ်ဆောင်တွေရဲ့ အချိတ်အဆက်မိမိ တင်ဆက်ပုံတွေကြောင့် မကြည့်ခင် တစ်ရှူးလေးတော့ ဆောင်ထားဖို့ မမေ့ပါနဲ့နော်။

Review and Translated By Thu Thu
Encoded By N.A.S