Your Fault (Culpa Tuya) (2024)

ဒီကားလေးကတော့ ရှေ့က My Fault ကို ကိုကြည့်ပြီးသားသူတွေ‌နဲ့ဆို မစိမ်းနိုင်တဲ့ ဒုတိယအဆက်အနေနဲ့ထွက်ရှိလာတဲ့ Your Fault ပါ။ ရှေ့ကားမှာလည်း အောင်မြင်မှုတွေ ရရှိထားပြီး ဒီဇာတ်ကားလေးအနေနဲ့လည်း IMDb rating 5.3/10 ရရှိထားပါတယ်။ အခုမှ စကြည့်မယ့်လူတွေကတော့ ဇာတ်ကြောင်းကို သေချာနားမလည်တာဖြစ်နိုင်လို့ ရှေ့ကားလေးက စပြီးကြည့်ကြဖို့ အကြံပေးချင်ပါတယ်။

ရှေ့ဇာတ်ကားထဲမှာ အချင်းချင်း မတည့်ကြတဲ့ ‌ဖအေပါသား နစ်ခ်နဲ့ မအေပါသမီး နိုအာတို့က ဒီဇာတ်ကားထဲမှာတော့ ချစ်သူတွေဖြစ်သွားကြပြီး မိဘတွေ မသိအောင် ခိုးတွဲနေကြရပါတယ်။ နစ်ခ်က အလုပ်သင်အတွက် ကြိုးပမ်းနေပြီး နိုအာကလည်း တက္ကသိုလ်တက်ဖို့ ပြင်ဆင်လာရတဲ့အခါ နှစ်ယောက်သား ဝေးကွာမှုတွေ ဖြစ်လာရပါတော့တယ်။ ဆက်ဆံရေးတစ်ခုမှာ ဝေးကွာမှုက အရာအားလုံးကို ဖျက်စီးပစ်နိုင်တာကြောင့် နှစ်ဦးသား နီးစပ်ဖို့ ကြိုးစားရင်း သူတို့နှစ်ယောက်ရဲ့ အချစ်ရေးက ဖြောင့်ဖြူးနိုင်ပါ့မလား။

ဒီဇာတ်ကားရဲ့ နောက်ဆက်တွဲဖြစ်တဲ့ Our Fault ကလည်း ဒီနှစ်ထဲ ထွက်လာဖို့ရှိတာကြောင့် နောက်ဇာတ်ကားထဲမှာလည်း ဘယ်လို အကြောင်းအရာတွေ ဖြစ်လာဦးမလဲဆိုတာ စောင့်ကြည့်ရဦးမှာပဲဖြစ်ပါတယ်။

Review and Translated By ATHET
Encoded By N.A.S

1726 total views , 1 views today