Aghathiyaa (2025)

တစ်စုံတစ်ခုကို မင်းရဲ့ နှလုံးသားထဲကနေသာ နက်နက်ရှိုင်းရှိုင်းယုံကြည်ချက်ထားရင် ဖြစ်ကိုဖြစ်လာနိုင်တယ်…..ဒါကတော့ ဒီကားထဲက ဇာတ်လိုက်မင်းသား အာဂတ်သီယာတစ်ယောက် အမြဲတမ်းနှလုံးသွင်းထားနေကျ စကားလေးပါ။

ဒီနေ့မှာတော့ ဟော်ရာခပ်ရေးရေးလေးစွက်တဲ့ အလွမ်းအဆွေးစုံ ဟာသကားလေးတစ်ကားနဲ့ မိတ်ဆက်ပေး​ပါရစေ၊ အာဂတ်သီယာ ဆိုတဲ့ကောင်လေးဟာ အရိုးကင်ဆာနောက်ဆုံးအဆင့်ဖြစ်နေတဲ့ မိခင်အတွက် အသက်ကယ်ဆေးကို ရှာဖွေနေသူပါ။ ဒီအချိန်မှာပဲ ပွန်ဒီချယ်ရီမြို့က သရဲခြောက်တယ်လို့ နာမည်ကြီးတဲ့ ရှေးဟောင်းနှစ်ဆောင်ပြိုင်စံအိမ်ကြီးကိုငှား သရဲအိမ်ဖြစ်အောင်ပြင်ပြီး ပိုက်ဆံရှာဖ်ို့ လုပ်ကြတဲ့အချိန် တကယ့်သရဲအစစ်တွေပါ သရဲအိမ်ထဲက လူတွေကို လိုက်ခြောက်ကြတဲ့အခါ…..

သရဲအိမ်ထဲက ရှေးဟောင်းလက်လုပ်စန္ဒရားတစ်လက်ကိုတွေ့ပြီး စန္ဒရားရဲ့ အံဝှက်ထဲကနေ သိလိုက်ရတဲ့ ဒီစံအိမ်ကြီးရဲ့ ရင်နင့်စရာဇာတ်လမ်းကရော ဘာဖြစ်မလဲ…..

၁၉၄၀ ခုနှစ်တုန်းက အိန္ဒိယရဲ့ နတ်ဆေးသမားတော်လို့ ခေါ်ရလောက်တဲ့ ဆရာဝန်ကြီး ဆစ်ဒါသ် အသတ်ခံလိုက်ရတဲ့နောက်ပိုင်း သူထွင်ခဲ့တဲ့ အရိုးကင်ဆာဆေးဟာ ဆရာဝန်နဲ့အတူ ဒီစံအိမ်ကြီးထဲ စုန်းစုန်းမြုပ်သွားပါတယ်။ ဒီလိုနဲ့ ဒီစံအိမ်ကြီးဟာ အာဂတ်သီယာရဲ့ အမေခံစားနေရတဲ့ အရိုးကင်ဆာကို အမြစ်ပြတ်အောင်ကုနိုင်တဲ့ သော့ချက်မှန်းသိသွားတဲ့အခါ သူ ဘယ်လိုရအောင် အဖြေရှာမလဲ……

ဒီဇာတ်လမ်းလေးကိုတော့ အမေဖြစ်သူအတွက် ရေဆုံးမြေဆုံးအထိ ဖြေဆေးရှာပေးမယ့် သားရဲ့ ရှာမှရှားတဲ့ ချစ်ခြင်းမေတ္တာအပြင် ချစ်သူနှစ်ဦးကြားက ရာစုနှစ်တစ်ခုနီးပါးတည်မြဲနေခဲ့တဲ့ အချစ်၊ အလွမ်းတွေနဲ့အတူ ငြိမ့်ငြိမ့်လေး စီးမျောလိုက်ကြဖို့ အကြံပြုလိုက်ပါရစေ။

Language ….. Tamil
Genre ….. Fantasy, Horror, Adventure
Quality ….. 720P / 1080P 5.1 (HEVC)
Review ….. Htet Shweyi
Translator ….. Htet Shweyi
Encoder ….. N.A.S

Rainbow Channel