Virus (2025)

သိပ္ပံဆန်ဆန် ထူးခြားတဲ့ ဇာတ်လမ်းတွေကို ကြိုက်နှစ်သက်သူတွေအတွက် ထူးဆန်းတဲ့အမည်မသိ ဗိုင်းရပ်စ်အကြောင်းကို ရိုက်ကူးထားတဲ့ ၂၀၂၅ ခုနှစ်ထွက် ဒီဇာတ်လမ်းလေးကို သဘာကျမယ်လို့ ထင်ပါတယ်။ ဒီဇာတ်ကားထဲမှာတော့ Bae Doona , Kim Yoon Seok , Chang Kiha နဲ့ အားလုံးရဲ့ အချစ်တော် မင်းသား Son Suk ku တို့က ပါဝင် သရုပ်ဆောင်ထားကြပါတယ်။

Take-seon ကတော့ တစ်ကိုယ်တည်း အပျိုကြီး ဖြစ်တဲ့ ဘာသာပြန်တစ်ယောက်ဖြစ်ပြီး သူ့ရဲ့ နေ့စဥ်ဘဝက ငြီးငွေ့စရာကောင်းလွန်းလှပါတယ်။ ဒါကို ညီမနဲ့ အမေဖြစ်သူက နောက်ဆုံး မနေနိုင်တဲ့အတွက် အိမ်ထောင်ဖက် သွားတွေ့ဖို့ ပြောခဲ့ပါတယ်။ ဒီလိုနဲ့ အိမ်ထောင်ဖက်သွားတွေ့တဲ့သူက ကြောင်ကြောင်တောင်တောင် ပါမောက္ခ Su-pil ဖြစ်နေခဲ့ပါတယ်။ ဒီလိုနဲ့ သူတို့ စစတွေ့ချင်း ပထမဆုံးနေ့မှာပဲ Su-pil ဘက်ကနေ လက်ထပ်ဖို့အကြောင်း ပြောခဲ့ပါတယ်။
အဲဒီနောက်မှာပဲ Take-seon က အလှတွေပြင်ဆင်ပြီး သူ့ရဲ့ အတန်းဖော်ဟောင်း Yeon-woo ဆီ ကားဝယ်မယ်ဆိုတဲ့ အတွေးတဲ့ ကားစင်တာကို သွားခဲ့ရာ သူတို့နှစ်ယောက် မထင်မှတ်ပဲ ကမ်းခြေမှာ ညလုံးပေါက်အထိ နေခဲ့မိပါတော့တယ်။ Su-pil ဘက်က ဖုန်းတွေ တရစပ်ဆက်နေခဲ့ပေမဲ့လည်း Take-seon ကတော့ အချစ်ဦးနဲ့ ပျော်နေခဲ့ပါတယ်။

ဒီလိုနဲ့ နောက်နေ့ မနက်ရောက်တော့ ဗြုန်းစားကြီး ရောဂါတိုက်ဖျက်ရေးအဖွဲ့က သူတို့ကို ဆေးစစ်ချက်လုပ်ဖို့ လာခေါ်ပါတော့တယ်။ အဲဒီအခါမှ Take-seon က ဖုန်းကို စစ်ကြည့်မိရာ Su-pil ဆီကနေ အသံမက်ဆေ့ချ်အများကြီး ရောက်နေကြောင်း သိခဲ့ရတယ်။ ဘာတွေ ဖြစ်နေမှန်းမသိတဲ့အပြင် Su-pil ကလည်း သူ့ကို သူ့သူငယ်ချင်းဖြစ်သူ ပါမောက္ခ Lee Gyun ကလွဲပြီး ဘယ်သူ့ကိုမှ မယုံဖို့ ပြောခဲ့ရာ သူလည်း Lee Gyun ဆိုသူကို ဘယ်မှာ ရှာရမှန်း မသိဖြစ်ခဲ့ရပါတော့တယ်။ နောက်ဆုံး ပါမောက္ခ Lee Gyun နဲ့ အဆက်အသွယ်ရခဲ့ပြီး တစ်နေရာမှာ တွေ့ကြဖို့ စီစဥ်ခဲ့ပါတော့တယ်။

တကယ်ပဲ သူတို့ကို ဆက်သွယ်ခဲ့တဲ့သူက Lee Gyun များလား ဒါမှမဟုတ် ထောင်ချောက်သက်သက်ပဲလား ဆိုတာကို စိတ်ဝင်စားဖွယ် စောင့်ကြည့်ရမှာ ဖြစ်ပါတယ်။ Take-seon ကရော တကယ်ပဲ ရောဂါကူးစက်ခံနေရတာလား…ကူးစက်ခံထားရတဲ့ ရောဂါဇစ်မြစ်ကိုရော ရှာဖွေနိုင်ကြမှာလား….ငါးရက်အတွင်း မချစ်နိုင်ရင် တကယ်ပဲ သေဆုံးရမဲ့ ဗိုင်းရပ်စ် မှန်ရဲ့လားဆိုတာကို ဟာသလေးနှောပြီး ကြည့်ရှုရမှာဖြစ်ပါတယ်။

Genre ….. Drama
Quality ….. 720P / 1080P WEB-DL 5.1 (HEVC)
Review ….. Verona
Translator ….. Verona, Bom, Ame
Encoder ….. N.A.S

Rainbow Channel