The Stone (2025)

ထိုင်းတွေဟာ အဆောင်လက်ဖွဲ့တို့ အောက်လမ်းတို့ဘက်မှာ နာမည်အရမ်းကြီးတာ ပရိသတ်ကြီးလည်း သိထားပြီးဖြစ်မှာပါ။ ဒီတစ်ခါ အဆောင်လက်ဖွဲ့အရောင်းအဝယ်လောကကို စူးစမ်းရှာဖွေပြီး ဖော်ပြထားတဲ့ ထူးထူးခြားခြားဇာတ်ကားတစ်ကားနဲ့ မိတ်ဆက်ပေးချင်ပါတယ်။

ဇာတ်လမ်းက ဖခင်ဖြစ်သူ ဆေးကုသစရိတ်အတွက် ပိုက်ဆံလိုအပ်နေတဲ့ “အကဲ” ဆိုတဲ့ လူငယ်တစ်ဦးအကြောင်း ဖြစ်ပါတယ်။ သူ့ဖခင်ရဲ့ ရှားပါးပြီး တန်ဖိုးကြီးတဲ့ ဆုမ်ဒေ့အဆောင်တစ်ခုကို ရောင်းချဖို့ ကြိုးစားရင်း အဆောင်လက်ဖွဲ့ အရောင်းအဝယ်လောကရဲ့လှည့်ဖြားမှု ၊ လောဘနဲ့ ရက်စက်မှုတွေရှိတဲ့ကမ္ဘာထဲကို ရောက်ရှိသွားပါတယ်။ ဒီအဆောင်လက်ဖွဲ့ဟာ လွန်ခဲ့တဲ့ နှစ်ပေါင်းများစွာကတည်းက ဈေးကွက်ထဲကို ထွက်ပေါ်မလာတော့တဲ့ သန်းတစ်ရာကျော်တန်ဖိုးရှိတဲ့ ပစ္စည်းအစစ်ဖြစ်နေတဲ့အခါ…

Genre ကိုက Action / Drama / Thrillerဖြစ်နေတဲ့အတွက် သာမန်လက်ဖွဲ့လိုလို အောက်လမ်းလိုလိုဇာတ်ကားတွေနဲ့မတူဘဲ ထင်မှတ်မထားတဲ့လှည့်ကွက်တွေနဲ့ လောဘသားကောင်တွေရဲ့ ရက်စက်မှု ၊ ဖျံကျမှုတွေကို ကြည့်ရှုခံစားရမှာမို့ အစကနေအဆုံးအထိ ဆွဲဆောင်ခေါ်ယူသွားနိုင်တဲ့ ဇာတ်ကားတစ်ကားပါပဲဗျ။

Genre ….. Action / Drama / Thriller
Quality ….. 720P / 1080P WEB-DL 5.1 (HEVC)
Review ….. LL
Translator ….. LL, Venus, Light
Encoder ….. N.A.S

Rainbow Channel