C_a-l_l O-f T-h_e D_e-a_d (2-0-2-5)

IMDB ⭐️ 6.4/10

“သေဆုံးသွားတဲ့ သမီးဖြစ်သူက မြေကြီးထဲကနေ ပြန်ထလာတဲ့အခါ…”

မိခင်တစ်ယောက်ရဲ့ မေတ္တာဆိုတာ အရာရာကို ကျော်လွှားနိုင်တယ်လို့ ဆိုကြပါတယ်။ ဒါပေမဲ့ သေခြင်းတရားကိုပါ ကျော်လွန်ပြီး သဘာဝတရားကို ဆန့်ကျင်လိုက်တဲ့အခါမှာတော့ အဲဒီမေတ္တာဟာ ထိတ်လန့်စရာ ကျိန်စာတစ်ခု ဖြစ်လာနိုင်ပါတယ်။ ၂၀၂၅ ခုနှစ်ထွက် Indonesian Folk Horror ဇာတ်ကားကောင်းတစ်ကားဖြစ်တဲ့ ဒီကားလေးကတော့ မိသားစုဒရာမာကို အခြေခံပြီး သည်းထိတ်ရင်ဖိုစရာ အဖြစ်အပျက်တွေနဲ့ ဆွဲခေါ်သွားမဲ့ ဇာတ်ကားပါပဲ။

ချစ်ရတဲ့ သမီးဖြစ်သူကို ဆုံးရှုံးလိုက်ရတဲ့ မိခင်တစ်ယောက်ရဲ့ ပူဆွေးသောကဟာ‌ဖော်ပြမရအောင် ကြီးမားလွန်းလှပါတယ်။ သမီးဖြစ်သူကို မေ့ဖျောက်လို့မရနိုင်ဘဲ တမ်းတနေတဲ့ မိခင်စိတ်ကြောင့် မဖြစ်နိုင်ဘူးလို့ ထင်ထားတဲ့ အရာတစ်ခု တကယ်ဖြစ်လာခဲ့ပါတယ်။ အဲဒါကတော့ မြေမြှုပ်သင်္ဂြိုဟ်ပြီးသမီး သမီးဖြစ်သူဟာ ရုတ်တရက် အုတ်ဂူထဲကနေ ပြန်လည်နိုးထလာခဲ့တာပါပဲ။

သေသွားတဲ့သမီး ပြန်ရောက်လာတာဟာ မိခင်အတွက်တော့ ဆုလာဘ်တစ်ခုလို ဖြစ်နေပေမဲ့ တကယ်တမ်း ပြန်ရောက်လာတဲ့အရာက သူ့ရဲ့ ချစ်လှစွာသော သမီးအရင်းမှ ဟုတ်ရဲ့လား… ဒါမှမဟုတ် အုတ်ဂူထဲကနေ တခြားအရာတစ်ခုပါ ကပ်ပါလာခဲ့သလား… ဆိုတာကတော့…

အင်ဒိုဟော်ရာတွေရဲ့ ထုံးစံအတိုင်း ယဉ်ကျေးမှုဓလေ့ထုံးစံတွေနဲ့ ပရလောကအယူအဆတွေကို (Folkklore Horror) ပုံစံ တင်ဆက်ထားပါတယ်။ ဒါ့အပြင် ရိုးရိုးတန်းတန်း သရဲခြောက်တာမျိုးမဟုတ်ဘဲ သမီးကို ဆုံးရှုံးလိုက်ရတဲ့ မိခင်တစ်ယောက်ရဲ့ ခံစားချက် (Drama) ကိုပါ ထည့်သွင်းထားလို့ ကြည့်ရတာ ပိုပြီး လေးနက်စေမှာပါ။ မင်းသမီးကြီး Nirina Zubir ကိုယ်တိုင် ခေါင်းဆောင်ပါဝင်ထားလို့ သရုပ်ဆောင်ပိုင်းကတော့ ပြောစရာမလိုပါဘူး။

၂၀၂၅ ထွက် အသစ်စက်စက်ဖြစ်သလို၊ ညဘက်တစ်ယောက်တည်းကြည့်ရင် ကျောချမ်းသွားစေမဲ့ ဇာတ်ကွက်တွေနဲ့မို့ Horror Fan တွေ လက်မနှေးတမ်း ရှုစားလိုက်ကြပါဦး

Genre ….. Drama, Horror
Quality ….. 720P / 1080P WEB-DL (HEVC)
File Size ….. 663.67MB / 1.17GB
Review ….. Venus
Translator ….. RMC Team
Encoder ….. N.A.S

Rainbow Channel