T_h-e U-g_l-y (2-0-2-5)

IMDB ⭐️ 6.7/10

အလှတရားဆိုတာ ဘယ်လိုအရာမျိုးလဲ.. လောကကြီးရဲ့လူသားတွေ ပြောနေကြတဲ့ အလှတရားအတွက် စံနှုန်းဆိုတာ သီးသန့်ရှိတာလား.. မျက်စိမြင်ရတဲ့ လူတွေရဲ့ အလှအပစံနှုန်းနဲ့ မျက်စိမမြင်ရတဲ့ လူတွေရဲ့ အလှအပစံနှုန်းကရော တူညီနိုင်ပါ့မလား..

ဒီတစ်ခေါက်မှာတော့ IMDB 6.7/10 ရရှိထားတဲ့ ခါတိုင်း ကြည့်နေကျ ဇာတ်အိမ်တွေနဲ့ ကွဲထွက်နေတဲ့ ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။

မင်းသားလေးကတော့ အားလုံးသိပြီးကြတဲ့ Hwa Sa ရဲ့ Crush ဖြစ်သလို လက်လေးတခါခါနဲ့ “Good Goodbye”
ဆိုတဲ့ အသစ်ထွက်သီချင်းထဲက ရိုမန့်စ်ဆန်စွာ အသက်ဝင်လှတဲ့ အကြည့်တွေရဲ့ ပိုင်ရှင် Park Jeong-min ဖြစ်ပြီး Penthouse ထဲက အားလုံးရဲ့အချစ်တော် သမီးတော်လေး Han Ji-hyun ကလည်း အတူပါဝင်ထားပါတယ်။

မျက်စိမမြင်ပေမဲ့ နာမည်တံဆိပ်တုံးလုပ်တဲ့နေရာမှာ တစ်ဖက်ကမ်းခတ် ကျွမ်းကျင်လှသူ အင်ယောင်းဂယူက သူ့ရဲ့ပြောင်မြောက်လှတဲ့ သမိုင်းကို ဂုဏ်ပြုတဲ့အနေနဲ့ ရိုက်ကူးခွင့်ပြုပေးဖို့ဆိုတဲ့ ရုပ်သံလွှင့် အစီအစဉ်တစ်ခုရဲ့ ကမ်းလှမ်းချက်ကို ရရှိခဲ့ပါတယ်။

ဒီလိုနဲ့ သားဖြစ်သူ ဒုံဟွမ်နဲ့အတူ အစီအစဉ်ရိုက်ကူးနေတုန်း သူတို့ရဲ့ ဘဝကို ပြောင်းလဲသွားစေမဲ့ ဖုန်းကောလ်တစ်ခုကို လက်ခံရရှိခဲ့ရာကစလို့ မထင်မှတ်ထားတဲ့ အတိတ်အကြောင်းက စတင်ပေါ်ပေါက်ခဲ့ပါတော့တယ်။

လွန်ခဲ့တဲ့ နှစ် ၄၀ လောက်က ပျောက်ဆုံးသွားခဲ့တဲ့ ဒုံဟွမ့်ရဲ့အမေက ရိုးရိုးသားသား ပျောက်ဆုံးသွားတာမဟုတ်ဘဲ အသတ်ခံရနိုင်ခြေမြင့်တယ်ဆိုတဲ့ မှတ်ချက်ကြောင့် အံ့ဩတကြီးဖြစ်ခဲ့ရတာပါ။

အမေ့ရဲ့မျက်နှာကိုတောင် မမြင်ဖူးခဲ့တဲ့ ဒုံဟွမ်က မိခင်ဖြစ်သူရဲ့ နောက်ဆုံးအချိန်နဲ့ ပတ်သက်တဲ့ အဖြစ်မှန်ကို သိရဖို့အရေး အစီအစဉ်တင်ဆက်သူ ပီဒီ ဂင်ဆူဂျင်းနဲ့ လိုက်လံစုံစမ်းရာကနေ သိလိုက်ရတဲ့အမှန်တရားက…

ထူးခြားပြောင်မြောက်တဲ့ ဇာတ်အိမ်ဖွဲ့စည်းမှုကြောင့် ခါတိုင်း ကြည့်နေကျ ကားတွေနဲ့မတူတဲ့ ရသကို ပေးစွမ်းနိုင်မှာမို့ တရားခံ ဘယ်သူလဲဆိုတာလည်း လိုက်ပါစီးမျော ရှာဖွေရင်း အဖြေထုတ်ကြည့်လိုက်ပါဦးနော်။

Genre ….. Mystery, Thriller
Quality ….. 720P / 1080P WEB-DL (HEVC)
File Size ….. 812.16MB / 1.84GB
Review ….. Bom
Translator ….. Bom
Encoder ….. N,A,S

Rainbow Channel