Climax (2026)

Trauma Code ထဲက အာပြဲ ဆရာဝန်ကြီးရဲ့ မမနဲ့ မောင်လေးကားသစ်..

“လူတွေဟာ ကိုယ့်လိုလူစားမျိုးကို မြင်တာနဲ့ သိကြတယ်” ဆိုတဲ့ စကားအတိုင်း
အချင်းချင်း အသုံးချရင်း တိုက်ပွဲဝင်ကြမဲ့ Noir Vibe စစ်စစ်..

ဒီဇာတ်လမ်းတွဲကတော့ Trauma Code: Heroes on Call ထဲက Ju Ji-hoon နဲ့ Empress Ki/Secret Garden ထဲက Ha Ji-won တို့ရဲ့ Political Survival Noir အမျိုးအစားဖြစ်ပြီး နှစ်ယောက်စလုံးရဲ့ ပထမဆုံးတွေ့ဆုံမှုမှာ ဘယ်လိုလိုက်ဖက်ညီမှုတွေ ပြသပေးမလဲဆိုတာ ကြည့်ရှုရမှာပါ။

Ju Ji-hoon ကတော့ ဆင်းရဲတဲ့ ဘဝကနေ ကြိုးစားလာခဲ့ပေမဲ့ အဂတိလိုက်စားမှုတွေကြားမှာ ထိပ်ဆုံးကို တက်လှမ်းဖို့ ကြံစည်နေတဲ့ ကြောက်စရာကောင်းတဲ့ အမှုစစ် ဘန်ထယ်ဆော့အဖြစ် ပါဝင်ထားပါတယ်။

Ha Ji-won ကတော့ တစ်ချိန်က နာမည်ကြီး မင်းသမီးဖြစ်ခဲ့ပေမဲ့ အခုတော့ လူမေ့ခံနေရတဲ့ သူ့ရဲ့ ဇနီး ချူဆန်းအာအဖြစ် သရုပ်ဆောင်ထားပြီး၊ သူ့ရဲ့ ဂုဏ်သိက္ခာကို ပြန်လည်ရယူဖို့ ဘယ်လိုမျိုး နက်နဲတဲ့ ဆုံးဖြတ်ချက်တွေ ချမလဲဆိုတာ မြင်တွေ့ရမှာပါ။

Cha Joo-Young က အီယန်းမီအဖြစ်၊ Oh Jung-se က ချမ်းသာတဲ့ လုပ်ငန်းစုရဲ့ အမွေဆက်ခံသူ ဂွမ်ဂျုံဝုအဖြစ်နဲ့ အားပြိုင်သွားမှာဖြစ်သလို AFTER SCHOOL အဖွဲ့ရဲ့ Nana ကလည်း လျှို့ဝှက်သတင်းပေးသူ ဟွမ်ဂျောင်ဝန်းအဖြစ် ပါဝင်ထားပါတယ်။

ဇာတ်လမ်းရဲ့ အစကတော့ အောင်မြင်မှုနောက်ကို လိုက်နေတဲ့ အမှုစစ်တစ်ယောက်က သူ့ရဲ့ ရည်မှန်းချက်အတွက် ဇနီးဖြစ်သူကိုပါ အသုံးချဖို့ ကြိုးစားရာကနေ စတင်ပါတယ်။ ရင်တထိတ်ထိတ်နဲ့ စိတ်လှုပ်ရှားစရာ ဇာတ်ဝင်ခန်းတွေ၊ နိုင်ငံရေးနဲ့ စီးပွားရေးလောကရဲ့ အမှောင်ဖက်ခြမ်းတွေကို ဒါရိုက်တာ Lee Ji-won က ခပ်မိုက်မိုက် ပုံဖော်ထားတာပါ။

လူတစ်ယောက်က လိုချင်တဲ့ အထွတ်အထိပ်ကို ရောက်ဖို့ ဘယ်လောက်ထိ ရင်းနှီးရမလဲ၊ ဘယ်သူက ဘယ်သူ့ကို နင်းတက်ပြီး ထိပ်ဆုံးကို ရောက်သွားမလဲ၊ အဲဒီလို ရောက်သွားတဲ့အခါမှာရော ဘာတွေကို ရင်းနှီးလိုက်ရမလဲ..

ဒီလို စိတ်ဝင်စားစရာကောင်းတဲ့ လူမှုပတ်ဝန်းကျင်နဲ့ အောင်မြင်မှုနောက်ကွယ်က အရှုပ်အထွေးတွေကို ကြည့်ချင်တယ်ဆိုရင်၊ စိတ်လှုပ်ရှားစရာ Thriller ကားကောင်း ကြိုက်သူတွေအတွက်တော့ တကယ့်ကို စောင့်ရကျိုးနပ်တဲ့ ဒရာမာဖြစ်မှာမို့ အပတ်စဉ် Mon, Tue တိုင်း စောင့်မျှော်ကြည့်ရှုနိုင်ပါပြီနော်။

Genre ….. Drama, Mystery
Quality ….. 720P / 1080P WEB-DL (HEVC)
File Size ….. 500MB / 1GB
Episode ….. 10
Review ….. Bom
Translator ….. RMC K Team
Encoder ….. Ray

Rainbow Channel