အိန္ဒိယတွန်ခရုစ်

IMDb ⭐️ 5.5/10

ဒီကားလေးက တော်တော်လေး ရယ်ရပြီး ပေါ့ပေါ့ပါးပါး ကြည့်လို့ကောင်းမယ့် ဟာသ စပိုင်ဇာတ်ကားလေး ဖြစ်ပါတယ်။

ဇာတ်လမ်းက ဗြိတိန်လျှို့ဝှက်ထောက်လှမ်းရေးအဖွဲ့ (MI7) က သေနတ်တောင် သေချာမကိုင်တတ်တဲ့ အေးဂျင့်ပေါက်စလေး ဟက်ပီးဆီကနေ စတင်ပါတယ်။ အင်္ဂလိပ်လူမျိုး အဖေနှစ်ယောက်က မွေးစားထားတဲ့ ဟက်ပီးဟာ တစ်နေ့မှာတော့ သူ့ကိုယ်သူ အိန္ဒိယလူမျိုးမှန်း ရုတ်တရက် သိလိုက်ရပါတယ်။

အဲဒီအချိန်မှာပဲ အိန္ဒိယလူမျိုးတွေကို အသားဖြူအောင်လုပ်ပြီး ပိုက်ဆံရှာဖို့ကြံစည်နေတဲ့ လျှို့ဝှက်ပရောဂျက်တစ်ခုက အစွမ်းထက် အသားဖြူခရင်မ် ဖော်မြူလာကို တီထွင်ထားတဲ့ အရေပြားဆရာဝန်မလေး ဘီထရစ်စ်ကို အိန္ဒိယနိုင်ငံမှာ လူမိုက်တွေက ပြန်ပေးဆွဲသွားပါတယ်။ သူ့ကို ကယ်ဆယ်ဖို့အတွက် ဟက်ပီးတစ်ယောက် အိန္ဒိယနိုင်ငံကို လျှို့ဝှက်တာဝန်နဲ့ သွားရပါတော့တယ်။

ဂိုအာကို ရောက်တဲ့အခါ ဒေသခံအကူဖြစ်တဲ့ ဂိတို့ ရော့ခ်စီတို့နဲ့ ပူးပေါင်းပြီး “မာမား” လို့ခေါ်တဲ့ ဒေသခံ လူမိုက်ဂိုဏ်းခေါင်းဆောင်ကြီးကို ရင်ဆိုင်ရပါတယ်။ ဒီကြားထဲမှာ ရူပါလို့ခေါ်တဲ့ ချောမောလှပတဲ့ အကမယ်လေးနဲ့လည်း ဖူးစာဆုံရပါသေးတယ်။

ဒီဇာတ်ကားက Mission Impossible တို့လို စပိုင်ဇာတ်ကားတွေကို ဟာသပုံစံ လှောင်ပြောင် ရိုက်ကူးထားတာပါ။ အင်္ဂလိပ်ယဉ်ကျေးမှုနဲ့ အိန္ဒိယယဉ်ကျေးမှုကြားက ကွာဟချက်တွေ၊ အိန္ဒိယအစားအစာနဲ့ အသားအရောင်ခွဲခြားမှုတွေကို ရယ်စရာကောင်းအောင် သရော်ထားပါတယ်။ အက်ရှင်ခန်းတွေပါပေမဲ့ အဓိကကတော့ ဟာသကို ဦးစားပေးထားလို့ စိတ်အပန်းဖြေ ရယ်မောချင်သူတွေအတွက် ပေါ့ပေါ့ပါးပါး ဇာတ်ကားလေးပဲ ဖြစ်ပါတယ်။

Genre ….. Action, Comedy, Romance
Quality ….. 720P / 1080P WEB-DL (HEVC)
File Size ….. 870.24MB / 1.62GB
Review ….. LL
Translator ….. RMC Team
Encoder ….. Ray

Rainbow Channel