Boulevard (2026)
=============

IMDB ⭐️ 4.9/10

ဒီလမ်းမကြီးက ဟောင်းနေလည်း…

“မင်းကို ကြည့်နေရင်း… ငါလည်း ပြောင်းလဲနိုင်တယ်ဆိုတဲ့ မျှော်လင့်ချက်တွေ ရှိလာတယ်”

ဦးနှောက်က ‘အကောင်းဆုံး’ လို့ သတ်မှတ်ပြီး ရွေးချယ်ခဲ့တဲ့သူတစ်ယောက် ရှိပါလျက်နဲ့… မသိလိုက်ခင်မှာပဲ နှလုံးသားက တိတ်တဆိတ် ကပ်တွယ်မိသွားရတဲ့ ‘လူဆိုးလေး’ တစ်ယောက်…

လူတစ်ယောက်ကို တကယ်ချစ်မိသွားပြီဆိုတာကို ဘယ်လိုသိနိုင်မလဲ?
တစ်ဖက်လူရဲ့ အပြစ်အနာအဆာတွေ၊ အမည်းစက်တွေကို အထင်သား မြင်နေရရင်တောင် နောက်ဆုတ်မသွားဘဲ ဆက်ပြီး မြတ်နိုးနေမိတာဟာ ‘အချစ်’ ပဲ ဖြစ်ပါလိမ့်မယ်။

ဟာစလီအတွက်တော့ အချစ်က အဲဒီလိုပါပဲ။ နှလုံးသားက ရွေးချယ်ခဲ့ရတဲ့ လုခ်ရဲ့ ဆိုးဝါးလှတဲ့ သတင်းတွေ၊ မကောင်းတဲ့ ဘက်ခြမ်းတွေကို သိလိုက်ရချိန်မှာ သူနောက်မဆုတ်ခဲ့ပါဘူး။
ပိုလို့တောင် ကရုဏာသက်ပြီး အကြင်နာတွေ ပိုခဲ့ရတာပါ။

တစ်ဖက်မှာလည်း အတိတ်ဆိုးတွေနဲ့ ရုန်းကန်နေရတဲ့ လုခ်က ဒီထူးဆန်းတဲ့ ကောင်မလေးကို သဘောကျမိသွားတဲ့အခါ…
သူ့ရဲ့ အရိပ်မည်းတွေကြောင့် အနားလည်း မကပ်ရဲ၊ တစ်ချိန်တည်းမှာပဲ တွန်းလည်း မထုတ်နိုင်ခဲ့ပါဘူး။

ဟာစလီရဲ့ ချစ်ခြင်းက “အပြစ်မမြင်ဘဲ ခွင့်လွှတ်ခြင်း”ဆိုရင်
လုခ်ရဲ့ ချစ်ခြင်းကတော့ “ပြောင်းလဲခြင်း” ပါပဲ။

သူ(မ)နဲ့ ထိုက်တန်တဲ့သူတစ်ယောက် ဖြစ်လာဖို့ သူ့ကိုယ်သူ ပြောင်းလဲပစ်ချင်ခဲ့တယ်။
သူ့ရဲ့ မှောင်မိုက်နေတဲ့ကမ္ဘာထဲကို တောက်ပစွာ ဝင်ရောက်လာတဲ့ အလင်းတန်းလေးကြောင့် လုခ်တစ်ယောက် အိပ်မက်တွေ ပြန်မက်ရဲလာတယ်။ သူ(မ)ကို ပျော်ရွှင်အောင်ထားဖို့နဲ့ သူ(မ)ရဲ့ အိပ်မက်တွေကို အကောင်အထည်ဖော်ပေးဖို့ကပဲ သူ့ရဲ့ တစ်ခုတည်းသော အိပ်မက် ဖြစ်လာခဲ့ပါတယ်။

လမ်းမကြီးရဲ့ တစ်နေရာမှာ မထင်မှတ်ဘဲ ဆုံတွေ့ခဲ့ကြတဲ့ သူစိမ်းနှစ်ယောက်
လမ်းမကြီးရဲ့ အဆုံးသတ်အထိ လက်ချင်းမြဲမြဲတွဲပြီး အခက်အခဲမှန်သမျှကို ရင်ဆိုင် ကျော်ဖြတ်နိုင်မလား?
သူတို့ အတူတူ ပုံဖော်မဲ့ အနာဂတ်ကရော ဘယ်လိုဖြစ်လာမလဲ?

Fact–> ဒီကားလေးက Flor M. Salvador ရေးသားထားပြီး Wattpad မှာ ဖတ်ရှုသူဦးရေ 110M ကျော်အထိ စံချိန်တင် အားပေးမှု ရရှိထားတဲ့ နာမည်ကြီး Novel တစ်ပုဒ်ကို ရိုက်ကူးထားတာပါ။

ပရိသတ်ကြီးလည်း မေ့လျော့ထားမိတဲ့ ဆယ်ကျော်သက်အရွယ်က ရိုမန့်တစ်အဖြစ်ဆုံး အချစ်ကို ပြန်လည် ခံစားအောက်မေ့နိုင်ဖို့ RMC ကနေ တင်ဆက်ပေးလိုက်ရပါတယ်။

Genre ….. Drama, Romance
Quality ….. 720P / 1080P WEB-DL (HEVC)
File Size ….. 935.27MB / 2.08GB
Review ….. Kera
Translator ….. Kera
Encoder ….. Ray

Rainbow Channel