Hide

Agency ဇာတ်လမ်းတွဲအပြီး နောက်ထပ်ဇာတ်လိုက်မင်းသမီးခေါင်းဆောင်အဖြစ်ပါဝင်လာတဲ့ မင်းသမီးချောလေး Lee Bo-Young ရဲ့ ဇာတ်လမ်းတွဲသစ်လေးနဲ့မိတ်ဆက်ပေးချင်ပါတယ်။နာမွန်ယောင်းဆိုတဲ့အမျိုးသမီးက အမှုစစ်အလုပ်ကနေထွက်ပြီး မိခင်ကောင်းတစ်ယောက်ဖြစ်ဖို့ ကြိုးစားနေတဲ့သူပါ။ခင်ပွန်းသည် ချာဆောင်းဂျယ်ကလည်း ရှေ့နေလောကမှာ နာမည်ကြီးရှေ့နေတစ်ယောက်ဖြစ်ပါတယ်။ဒီလိုမျိုးသာမန်ဘဝမျိုးနဲ့ ပျော်ရွှင်ဖွယ်ရာ မိသားစုထဲကို မမျှော်လင့်တဲ့ကံကြမ္မာတစ်ခုကျရောက်လာပါတယ်။တစ်နေ့ ချာဆောင်ဂျယ်တက်ရောက်ရမယ့် ရုံးချိန်းတစ်ခုမှာ ခင်ပွန်းသည်ရောက်မလာလို့ ကိုယ်စားရုံးချိန်းတက်ခဲ့ရတဲ့ နာမွန်ယောင်းတစ်ယောက် ခင်ပွန်းသည်ပျောက်ဆုံးသွားမှန်းသိသွားပါတယ်။အိမ်ထောင်ရေး၊လူမှုရေး၊စီးပွားရေး အားလုံးအဆင်ပြေနေတဲ့အခြေအနေမျိုးမှာ ဘာသဲလွန်စမှမရှိဘဲ ခင်ပွန်းသည်ပျောက်ဆုံးသွားတာကို လိုက်လံစုံစမ်းရင်း ဘယ်လိုမျိုးလျှို့ဝှက်နက်နဲတဲ့အရာတွေနဲ့ ကြုံလာရမလဲဆိုတာကတော့ ဇာတ်လမ်းလေးထဲမှာပဲ ဆက်လက်ရင်ခုန်ကြည့်လိုက်ရအောင်ပါ။စုစုပေါင်း ၁၂ ပိုင်းပါဝင်မှာဖြစ်ပြီးတော့ အပတ်စဉ် စနေ၊တနင်္ဂနွေနေ့တွေမှာ ထုတ်လွှင့်ပြသသွားမှာဖြစ်ပါတယ်။

Review By CL
Translated By Rainbow Channel Team
Encoded By N.A.S