Our season (2023)

ဒီဇာတ်လမ်းလေးမှာတော့ မင်းသမီးချောလေး ရှင်မင်အာက ပါဝင်သရုပ်ဆောင်ထားပြီး အမေနဲ့သမီးကြားက ဆက်ဆံရေးကို အထူးပုံဖော်ပေးထားပါတယ်။ ငယ်စဥ်ကတည်းက ဆင်းဆင်းရဲရဲနေထိုင်ခဲ့ရတဲ့အမေဖြစ်သူ ဘတ်ဘိုဂျာက သမီးဖြစ်သူဂျင်ဂျူကို စာတတ်ပေတတ်တစ်ယောက်ဖြစ်စေချင်ခဲ့ပါတယ်။ အဲဒီအတွက်လည်း သူ့မှာ ရှိသမျှအစွမ်းကုန် ပံ့ပိုးပေးခဲ့ပါတယ်။ ဒါပေမဲ့လည်း မိခင်ရဲ့စောင့်ရှောက်ပုံက တခြားအမေတွေနဲ့ ကွဲထွက်နေတဲ့အခါ သမီးဖြစ်သူကလည်း အမေ့ကို ချစ်လျက်နဲ့ တစ်ခါတရံနာကျည်းနေခဲ့ပါတယ်။ဒီလိုနဲ့ သမီးဖြစ်သူ ဘွဲရပြီး နိုင်ငံခြားတက္ကသိုလ်မှာ ပါမောက္ခခန့်အပ်ခြင်းခံခဲ့ရပါတယ်။

ဒါပေမဲ့လည်း သမီးဖြစ်သူက အမေ့ကို နာကျည်းတဲ့အတွက် သူ့မျက်နှာကိုတောင် မကြည့်ဘဲ နိုင်ငံခြားထွက်သွားတယ်လိုထင်ခဲ့ပါတယ်။ ဒီလိုနဲ့အမေ ဆုံးပါးသွားပြီးနောက်ပိုင်း သမီးဖြစ်သူက အမေ့ရဲ့မွေးရပ်မြေကို ပြန်လာခဲ့ပါတယ်။ ကောင်ကင်နိုင်ငံကို ရောက်သွားတဲ့အမေက အားလပ်ရက်ခွင့်ရတဲ့အတွက် သမီးဆီ အလည်တစ်ခေါက်ပြန်လာခဲ့ရာ အမေရိကမဟုတ်ဘဲ သူ့မွေးရပ်ဖြစ်နေတယ်ဆိုတာကို သိလိုက်ရတဲ့အခိုက် အတော်လေး အံ့သြမိခဲ့ပါတယ်။ ဒါ့အပြင် သမီးက သူ့ကြောင့်နဲ့ စိတ်ကျရောဂါ ခံစားနေရချိန်မှာတော့ အမေဖြစ်သူက ဒီအတိုင်း ထွက်မသွားနိုင်ခဲ့ပါဘူး။

သူ့သမီးရဲ့ရင်ထဲက သံမှိကို နှုတ်ပေးပြီးမှ စိတ်အေးအေးနဲ့ သွားချင်ခဲ့တာပါ။ သမီးဖြစ်သူကလည်း အမေ ရှိစဥ်က မလုပ်ပေးခဲ့ရတာတွေကို နောင်တရမိရင်းနဲ့ နောက်ဆုံးအနေနဲ့ အမေ့ကို တစ်ခါလောက်တွေ့ဖိုက သူ့ဆန္ဒဖြစ်ခဲ့တယ်။ အမေ ဆုံးပါးသွားပေမဲ့လည်း ဝိညာဥ်အနေနဲ့ဖြစ်ဖြစ် တစ်ခါလောက် ပြန်လာပေးဖို စောင့်မျှော်နေခဲ့ပါတယ်။ ဒါပေမဲ့လည်း ဒီဆန္ဒက သူသေသွားမှသာ ဖြစ်နိုင်တဲ့အတွက် အမေက သမီးဖြစ်သူ မကောင်းတဲ့အတွေးတွေးမှာကို စိတ်ပူနေခဲ့ပါတယ်။ ဒီလို အမေနဲ့သမီး နောက်ဆုံးမှာတော့ အချင်းချင်း အပြန်အလှန် စကားတွေပြောနိုင်ပြီး ရင်ထဲက သံမှိကို ဆွဲထုတ်နိုင်ပါ့မလားဆိုတာကို လွမ်းဆွေးဖွယ်ကြည့်ရှုရမှာဖြစ်ပါတယ်။ ဒါ့အပြင် ကြည့်ရှုသူတွေအနေနဲ့ အမေချက်ကျွေးတဲ့ဟင်းလျာလေးတွေကိုပါ ပြန်လည်မြင်ယောင်လာစေနိုင်တဲ့ ဇာတ်ကားကောင်းလေးဖြစ်တဲ့အတွက် ကြည့်ရှုဖိုဖိတ်ခေါ်လိုက်ပါရစေရှင်။

Genre ….. Drama, Fantasy
Quality ….. 720P / 1080P WEB-DL (HEVC)
File Size ….. 1.07GB / 1.75GB
Review ….. Verona
Translator ….. Verona
Encoder ….. Ai

Rainbow Channel