Siccin 7 (2024)

“Siccin” ရုပ်ရှင်စီးရီးဟာ တူရကီနိုင်ငံရဲ့ အကြောက်မက်ဖွယ်အကောင်းဆုံး ထိတ်လန့်သည်းဖို ရုပ်ရှင်စီးရီးတွေထဲက တစ်ခုဖြစ်ပြီး အစ္စလာမ်ဘာသာနဲ့ ပတ်သက်တဲ့ နတ်ဆိုးတွေ၊ မှော်ပညာနဲ့ ကျိန်စာတွေအကြောင်းကို အဓိကထား ရိုက်ကူးထားတာ ဖြစ်ပါတယ်။ စုစုပေါင်း ဇာတ်ကား ၈ ကားရှိပြီး ဒီ ၂၀၂၄ ခုနှစ်ထွက်ကတော့ Siccin 7 ပါ။ ဖြစ်ရပ်မှန်ကို ပြန်လည်ရိုက်ကူးထားတာဖြစ်ပါတယ်။

ဇာတ်လမ်းအကျဉ်းကတော့

မြေယာအငြင်းပွားမှုကြောင့် မိသားစုကိုဆုံးရှုံးလိုက်ရတဲ့ မယ်ရယ်လ်ဆိုတဲ့အမျိုးသမီးတစ်ယောက်ဟာ လက်တုံ့ပြန်ဖို့အတွက် ဇူးလ်မတ်ပူဇော်ပသပွဲဆိုတဲ့ ကျိန်စာတိုက်ပွဲတစ်ခုကို လုပ်ဆောင်ခဲ့ပါတယ်။ ဒီပူဇော်ပွဲမှာ ယဇ်ကောင်အဖြစ် စတေးဖို့အတွက် ကလေးတစ်ယောက်ကို အရှင်လတ်လတ်မြေမြှုပ်သတ်ဖို့လိုအပ်ပါတယ်။

တစ်ဖက်မှာလည်း ကီမားလ်ဆိုတဲ့ ဆရာဝန်တစ်ဦးဟာ ကလေးသူတောင်းစား ဂိုဏ်းတစ်ခုနဲ့ ပတ်သက်မိရာကနေ ထွက်ပြေးတိမ်းရှောင်ရပါတယ်။ ဒါကြောင့် သူဟာ မိသားစုနဲ့အတူ သူ့ဦးလေးရဲ့ ခြံဝင်းကြီးထဲကို ပြောင်းရွှေ့နေထိုင်ကြပါတယ်။ ဒီခြံဝင်းကြီးထဲကို ရောက်ပြီးတဲ့နောက်မှာတော့ ထူးဆန်းပြီး ကြောက်မက်ဖွယ်ရာ အဖြစ်အပျက်တွေ စတင်ပေါ်ပေါက်လာပါတော့တယ်။

အဲဒီအခြေအနေတွေကြား မယ်ရယ်လ်တစ်ယောက် ကီမားလ်ရဲ့အိမ်မှာ အိမ်ဖော်အဖြစ် လာရောက်နေထိုင်ပြီးတဲ့နောက်မှာတော့ ကိစ္စတွေဟာ ဘယ်လိုအခြေအနေတွေအထိ ဆိုးဝါးပြင်းထန်လာမလဲဆိုတာတွေကိုတော့…

ဒီစီးရီးဟာ တူရကီရဲ့ အကြောက်မက်ဖွယ်အကောင်းဆုံး ထိတ်လန့်သည်းဖို ရုပ်ရှင်စီးရီးတွေထဲက တစ်ခုအဖြစ် နာမည်ကြီးတာကြောင့် နောက်ဆုံးထွက်ဇာတ်ကားဖြစ်တဲ့ Siccin 8 ကိုလည်း ကျွန်တော်တို့ချန်နယ်က မကြာခင်ထပ်မံတင်ဆက်ပေးသွားပါဦးမယ်ဗျ..

Genre ….. Horror
Quality ….. 720P / 1080P WEB-DL 5.1 (HEVC)
Review ….. LL
Translator ….. LL
Encoder ….. SNNT

Rainbow Channel