The Courier (2024)

IMDB Rating: 6.0/10
Language: Spanish

ဒီတစ်ခေါက်မှာတော့ စပိန်ကားကောင်းလေးတစ်ကားနဲ့ မိတ်ဆက်ပေးပါရစေ။ ငွေဆိုတာ ဒုတိယဘုရားသခင်ဆိုပြီး ပြောစမှတ်ပြုကြပေမယ့် လူတွေရဲ့ ဘဝကိုလည်း အဆုံးထိရောက်အောင် ဆွဲချနိုင်စွမ်းရှိပါတယ်။ ဒီကားထဲမှာတော့ ငွေနောက်လိုက်ရင်း ဘဝ အဆုံးသတ်မကောင်းခဲ့တဲ့ လူငယ်တစ်ယောက်အကြောင်းကို မီးမောင်းထိုးရိုက်ကူးပြထားတာပဲဖြစ်ပါတယ်။

အီဗန်ဟာ အတန်အသင့်မိသားစုက မွေးဖွားခဲ့ပြီး ဂေါ့ဖ်ကွင်းမှာ အလုပ်လုပ်တဲ့ ဝန်ထမ်းကောင်လေးတစ်ယောက်ဖြစ်ပါတယ်။ လူငယ်ဆိုတဲ့အတိုင်း ကြီးပွားချမ်းသာချင်စိတ်အပြည့်နဲ့‌ပါ။ ဂေါ့ဖ်ကွင်းကနေ နိုင်ငံရေးသမားတစ်ယောက်စ နှစ်ယောက်စနဲ့ ချိတ်ဆက်မိပြီး ပြန်လမ်းမရှိတော့တဲ့ ဘဝကြီးထဲကို ရောက်သွားပါတော့တယ်။

ဒီလိုနဲ့ အီဗန်ဟာ ပိုက်ဆံဆိုတဲ့ လောဘနွံထဲနစ်သထက်နစ်ရင်း သူ့ဘေးက တန်ဖိုးရှိတာတွေကို တဖြည်းဖြည်းမေ့လျော့လာတဲ့အခါမှာ အဲ့ဒီလောဘနွံထဲကနေ ရုန်းထွက်နိုင်ပါ့မလား ဘယ်လိုတွေ ဆက်ရင်ဆိုင်ရမလဲဆိုတာ ကြည့်ရှုရမှာပဲဖြစ်ပါတယ်။တစ်ချို့ အခန်းလေးတွေမှာ အဖော်အချွတ် ကြမ်းတဲ့အတွက် မိသားစုနဲ့ အတူမကြည့်ဖို့ အကြံပြုအပ်ပါတယ်ဗျ။

Review and Translated By Eugene
Encoded By N.A.S