The Old Woman With The Knife (2025)

ကြေးစား လူသတ်သမားကားကိုမှ ရိုတာ အီတာတွေ မကြိုက်ဘဲ တစ်ချိန်လုံး ဇွပ်ဇွပ်နေတာပဲ ကြိုက်တယ်ဆိုတဲ့သူတွေအတွက် IMDB 6/10 ရရှိထားတဲ့ Action/Thriller ကားလေးတစ်ကားကို တင်ဆက်ပေးချင်ပါတယ်။ မင်းသမီးကြီး Lee Hye-Young နဲ့အတူ မင်းသား Kim Sung-Cheol နဲ့ Yeon Woo-Jin တိုက အဓိကပါဝင်သရုပ်ဆောင်ထားကြတာပါ။

အသက် ၆၀ ကျော်နေပြီဖြစ်တဲ့ ဘွားတော်ကြီးဂျိုဂတ်က လူ့လောကထဲက အမှိက်နဲ့တူတဲ့ ပိုးဟပ်လို လူသားကောင်တွေကို ရှင်းလင်းသုတ်သင်ရေးလုပ်ရင်း အနှစ် ၄၀ ကျော် နေထိုင်ခဲ့သူပါ။ သူတိုကြေးစားလောကထဲ အသက်ရှင်နေတဲ့ ဒဏ္ဍာရီလာကြီးအဖြစ် နာမည်ကြီးခဲ့သူ ဖြစ်ပေမဲ့ အသက်ကြီးလာတာနဲ့အမျှ တစ်ချိန်ကတောက်ပခဲ့တဲ့ အရည်အချင်းတွေကလည်း တဖြည်းဖြည်း မှေးမှိန်စ ပြုလာတဲ့အခြေအနေကို ရောက်ရှိလာပါတော့တယ်။

ဒီလိုနဲ့ သူတိုကုမ္ပဏီထဲ ထူအူဆိုတဲ့ လက်သွက်ပြီး တက်တက်ကြွကြွရှိတဲ့ ကြေးစားအသစ်လေး ဝင်ရောက်လာခဲ့ချိန်မှာတော့ အခြေအနေတွေက တစ်မျိုးတစ်ဖုံ ပြောင်းလဲသွားပါတော့တယ်။ ထူအူက အကြံအစည်တစ်ခုနဲ့ ဘွားတော်ကို မျက်ခြည်မပြတ်စောင့်ကြည့်ပြီး စုံစမ်းနေခဲ့ရာက တစ်နေ့မှာ ဘွားတော်ရဲ့ လျှိဝှက်ချက်တစ်ခုကို ရှာတွေ့သွားခဲ့ရာမှာတော့..

ထူအူက ဘာလို ဘွားတော်ကို စောင့်ကြည့်နေတာလဲ၊ သူ ရှာတွေ့သွားတဲ့ ဘွားတော်ရဲ့လျှိဝှက်ချက်ကရော ဘာများဖြစ်မလဲ၊ အိုမင်းနေပေမဲ့လည်း ဝါရင့် ကျွမ်းကျင်သူ ဒဏ္ဍာရီလာကြီးနဲ့ သွက်လက် ပါးနပ်ပေမဲ့ အတွေ့အကြုံနည်းသေးတဲ့ လက်သစ်ကလေးတို ရင်ဆိုင်တွေ့ကြတဲ့အခါ ဘယ်သူက အားသာပြီး အနိုင်ရရှိသွားမလဲဆိုတာကိုတော့ ၂ နာရီကျော်ကြာ တစ်ချိန်လုံး ဇွပ်ဇွပ်နေပြီး ထင်မထားတဲ့ပုံစံနဲ့ ဇာတ်သိမ်းမှာ ဟာခနဲဖြစ်သွားစေမဲ့ ဒီကားလေးထဲ ဆက်လက်ကြည့်ရှုလိုက်ကြပါဦးနော်။

Genre ….. Action, Drama, Mystery
Quality ….. 720P / 1080P WEB-DL (HEVC)
File Size ….. 1.49GB / 2.46GB
Review ….. Bom
Translator ….. Bom
Encoder ….. N.A.S

Rainbow Channel