The Rule of Jenny Pen (2024)

အခုတစ်ခါတင်ဆက်ပေးမဲ့ဇာတ်ကားက နယူးဇီလန်နိုင်ငံထုတ် စိတ္တဇသည်းထိတ်ရင်ဖိုဇာတ်ကားတစ်ကားဖြစ်ပြီး Owen Marshall ရဲ့ ဝတ္ထုတိုကို အခြေခံထားတာပဲဖြစ်ပါတယ်။ဒီဇာတ်ကားဟာ သက်ကြီးရွယ်အိုတွေရဲ့ဘဝမှာ အာဏာဆုံးရှုံးမှုနဲ့ အနိုင်ကျင့်ခံရမှုတွေကို ထိတ်လန့်ဖွယ်ရာပုံဖော်ပြထားတာပါ….

ဇာတ်လမ်းကတော့ တရားသူကြီးတစ်ဦးဖြစ်တဲ့ စတီဖန် မော်တင်ဆန်ဟာ တရားရုံးမှာ စီရင်ချက်ချနေရင်း လေဖြတ်ရောဂါဖြစ်ပြီး တစ်ဖက်ကိုယ်လက်အင်္ဂါ မလှုပ်ရှားနိုင်ဖြစ်သွားပါတယ်…နောက်တော့ စတီဖန်ဟာ ယာယီဆိုပြီး Royal Pine Mews ဆိုတဲ့ သက်ကြီးရွယ်အိုဂရုစောင့်ရေးဂေဟာမှာ နေထိုင်ရပါတယ်။ သူဟာ မာနကြီးပြီး တစ်ကိုယ်ကောင်းဆန်တဲ့ လူတစ်ယောက်ဖြစ်ပြီး၊ ဂေဟာထဲက ဝန်ထမ်းတွေနဲ့ အခန်းဖော်ဖြစ်တဲ့ တိုနီ ဂါဖီးလ်နဲ့လည်း အနည်းငယ်ကွဲလွဲမှုတွေရှိခဲ့တယ်။

ဒါပေမယ့် စတီဖန်ရဲ့ ဘဝဟာ ဒေ့ဗ် ခရီလီနဲ့ဆုံတွေ့တဲ့အခါ ပိုမိုဆိုးရွားလာပါတယ်။ ဒေ့ဗ်ဟာ နေ့ဘက်မယ်ဆိုရင် စိတ်မနှံ့သူတစ်ယောက်လိုဟန်ဆောင်ထားပေမယ့်၊ ညဘက်မှာ ဂျန်နီပင်ဆိုတဲ့ကလေးအရုပ်လက်ရုပ်ကိုသုံးပြီး ဂေဟာထဲကနေထိုင်သူတွေကို စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ အနိုင်ကျင့်နှိပ်စက်ပါတယ်။

ဒေ့ဗ်ရဲ့အနိုင်ကျင့်မှုတွေဟာ ရိုးရှင်းတဲ့စတိုက်မှုတွေကနေ ပိုမိုအန္တရာယ်များတဲ့လုပ်ရပ်တွေဆီ တဖြည်းဖြည်းတိုးလာပါတယ်။ စတီဖန်ဟာ ဒီအနိုင်ကျင့်မှုတွေကို ရပ်တန့်ဖို့ကြိုးစားပေမယ့်၊ သူ့ရဲ့ကိုယ်လက်အင်္ဂါအားနည်းမှုနဲ့ ဂေဟာဝန်ထမ်းတွေရဲ့လျစ်လျူရှုမှုတွေက သူ့ကိုအခက်အခဲတွေ ဖြစ်စေတဲ့အခါ စတီဖန်ဟာ သူ့ရဲ့ကျန်းမာရေးပြန်လည်ကောင်းမွန်ပြီး ဂေဟာကနေ ထွက်သွားနိုင်မလား၊ ဒါမှမဟုတ် ဒီအနိုင်ကျင့်မှုတွေရဲ့ စိတ်ဒဏ်ရာတွေက သူ့ကိုဆက်လက်ခြောက်လှန့်နေမလားဆိုတာကို ကြည့်ရှူပြီးအဖြေထုတ်ကြည့်လိုက်ပါဦးနော်…

Genre ….. Horror, Thriller
Quality ….. 720P / 1080P WEB-DL 5.1 (HEVC)
Review ….. Mojin
Translator ….. Mojin
Encoder ….. N.A.S

Rainbow Channel