Aema (2025)

ဒီတစ်ခေါက်ကတော့ ပရိတ်သတ်တွေရဲ့ အချစ်တော် ဖာသာကားထဲက အမှုစစ်မမရဲ့ ကားလေးတစ်ကား ဖြစ်ပါတယ်။ ၁၉၈၀ ခုနှစ် တောင်ကိုရီးယား ရုပ်ရှင်လောကရဲ့ အချက်အချာကျတဲ့ Chungmuro မှာ Jung Hui Ran ကတော့ တိုင်းပြည်ရဲ့ ထိပ်တန်း မင်းသမီးတစ်လက်ဖြစ်ပြီး စိတ်ဆတ်လွယ်ကာ ဗွင်းဗွင်းရှင်းရှင်း ပြောဆိုတတ်တဲ့ စရိုက်လက္ခဏာရှိသူတစ်ယောက်လည်းဖြစ်ပါတယ်။ သူ စိတ်ကူးရှိတဲ့အတိုင်း ထင်သလိုပြောဆိုတတ်ပြီး အမှား အမှန် ကိုလည်း တွန့်ဆုတ်မှုမရှိ ပြောတတ်ပါသေးတယ်။ ဒီလိုနဲ့ ထိပ်တန်းနေရာတွင် ရပ်တည်ဖိုရာ ဘာပဲလုပ်ရလုပ်ရ လုပ်မယ်ဆိုတဲ့ အတွေ့အကြုံရင့် ထုတ်လုပ်ရေးသမား Koo Jung Ho ရဲ့ နောက်ဆုံးရုပ်ရှင် Madame Aema မှာ သူ ပါဝင်သရုပ်ဆောင်ဖို ဖြစ်လာပါတော့တယ်။

ဒါပေမဲ့လည်း Jung Hui Ran က ထိန်းချုပ်ရ အလွန်ခက်တဲ့အတွက်ကြောင့် Koo Jung Ho က ကြီးမားတဲ့ ဆုံးဖြတ်ချက်တစ်ခုကို ချမှတ်လိုက်ပါတော့တယ်။ Jung Hui Ran ကို ရုပ်ရှင်မှ ထုတ်ပယ်လိုက်ပြီး သရုပ်ဆောင် အစားထိုးဖိုအတွက် လူရွေးပွဲကြီးတစ်ခု ကျင်းပလိုက်ပါတော့တယ်။ ဇာတ်ကောင်အတွက်ကတော့ နောက်ဆုံးမှာ သရုပ်ဆောင်တစ်ဦးဖြစ်လာဖို အိပ်မက်ရှိတဲ့ နိုက်ကလပ်အကမယ် Sin Ju Ae ထံကို ရောက်ရှိသွားပါတော့တယ်။ အငြင်းခံလိုက်ရတာကို အလွန်ဒေါသထွက်နေတဲ့ Jung Hui Ran တစ်ယောက် အလျှော့ပေးဖိုကို လုံးဝပင် တုတ်တုတ်မှ မလှုပ်ချေ။

အဲဒီအချိန်မှာပဲ ရုပ်ရှင်လောကမှာ မှတ်ကျောက်တင်ဖို အိပ်မက်မက်ထားပေမဲ့လည်း ကြောက်ရွံတတ်ပြီး ရည်မှန်းချက်ကြီးမားတဲ့ ဝါနုဒါရိုက်တာ Kwak In U က Madame Aema ကို ရိုက်ကူးပေးဖိုတွက် တာဝန်ပေးခံရပါတော့တယ်။ သူက ရုပ်ရှင်လောကမှာ အောင်မြင်အောင် ကြိုးစားနေပေမဲ့လည်း အာဏာလုမှုတွေ ရည်မှန်းချက်တွေအပြင် ထင်မှတ်မထားတဲ့ မုန်တိုင်းသဖွယ် Jung Hui Ran ဆိုတဲ့ အမျိုးသမီးနဲ့ တွေ့လိုက်ရချိန်မှာတော့ ဘာတွေ ဆက်ဖြစ်လာမလဲဆိုတာကို စိတ်ဝင်စားဖွယ် ဟာသစွက်ပြီး ရှုစားချင်တယ်ဆိုရင်တော့ RMC မှာ လာရောက်ကြည့်ရှုဖို ဖိတ်ခေါ်လိုက်ပါရစေ။

Genre ….. Adult, Comedy, Drama
Quality ….. 720P / 1080P WEB-DL (HEVC)
File Size ….. 450MB / 1GB
Review ….. Verona
Translator ….. Bom, Verona, Ame
Encoder ….. N.A.S

Rainbow Channel