Bon Appetit, Your Majesty (2025)

ဒီတစ်ခေါက်မိတ်ဆက်ပေးမဲ့ ဇာတ်ကားလေးကတော့ မင်းသမီး Lim Yoon-A နဲ့ မင်းသား Lee Chae Min တို့ပါဝင်သရုပ်ဆောင်ထားတဲ့ဟာသဒရမ်မာ ဇာတ်လမ်းတွဲ‌လေး Bon Appetit, Your Majesty series ဖြစ်ပါတယ်။ အပိုင်း (၁၂) ပိုင်း ပါဝင်ပြီး အချစ်ဟာသ ဇာတ်လမ်းအပြင် နန်းတွင်းအချက်အပြုတ်တို့ကို ဦးစားပေးရိုက်ကူးထားတဲ့ စိတ်ဝင်စားဖွယ် ဇာတ်လမ်းတွဲတစ်ခုဖြစ်ပါတယ်။

မျက်မှောက်ခေတ်အမျိုးသမီးဖြစ်တဲ့ Yeon Ji Yeong တစ်ယောက် ရာဇဝင်ထဲက နန်းတော်ကို ရုတ်တရက်ရောက်ရှိသွားပြီး ဘယ်လိုတွေ အမွှေဇယား ထဦးမှာလဲ။ နန်းတွင်းထုံးတမ်းစဉ်လာတွေနဲ့ မြိန်ရှက်ဖွယ် အစားအသောက်တွေကို ဆုံတွေ့လိုက်ရတဲ့ အခါ ဘယ်လိုတွေ ဖြစ်လာဦးမလဲဆိုတာကို ဟာသဆန်ဆန် စီးမြောလိုက်ပါကြည့်ရှုရမှာဖြစ်ပါတယ်။ ဒီလိုနဲ့ သူ ပထမဦးစွာ နန်းတွင်းဘဝနဲ့ လိုက်လျောညီထွေဖြစ်အောင် ရုန်းကန်ရပေမဲ့လည်း သူရဲ့ အချက်အပြုတ်ကျွမ်းကျင်မှုနဲ့ ကြင်နာတတ်တဲ့ စိတ်ထားလေးတွေကြောင့် သူ့ပတ်ဝန်းကျင်နဲ့ တဖြည်းဖြည်း လိုက်လျောညီထွေဖြစ်လာခဲ့ပါတော့တယ်။

ဒီဇာတ်လမ်းတွဲမှာတော့ အစားအသောက်ကြိုက်သူတွေ လက်လွှတ်မခံသင့်တဲ့ ကိုရီးယားရိုးရာဟင်းလျာတွေကို တဝကြီး ကြည့်ရှုရမှာဖြစ်ပါတယ်။ ဟင်းလျာတိုင်းကလည်း ဇာတ်လမ်းရဲ့ ကျောရိုးပီပီ ဘယ်လိုမျိုးး အရောင်အသွေးစုံလင်ကာ ကြည့်ရှုသူတွေကို ဗိုက်ဆာလာအောင် လုပ်နိုင်မလဲဆိုတာကိုတော့ ဒီဇာတ်လမ်းလေးမှာ စောင့်မျှော်ကြည့်ရှုလိုက်ရအောင်..

နောက်ဆုံး ဒီဘက်ခေတ်နဲ့ ဘိုးတော်မင်းတရားတို့ခေတ်တွေ့ကြတဲ့အခါ မတူညီတဲ့ ဓလေ့ထုံးတမ်းတွေအကြား Yeon Ji Yeong တစ်ယောက် ဘယ်လိုနှစ်ပါးသွားမှာလဲ။ သူ့ရဲ့ ပျော်ပျော်ရွှင်ရွှင် တက်တက်ကြွကြွ လွတ်လွတ်လပ်လပ်နေတတ်တဲ့ အကျင့်စရိုက်က ဘုရင်ဖြစ်သူနဲ့ တွေ့တဲ့အခါ ဘယ်လိုတွေဆက်ဖြစ်မှာလဲ။ ဒီဇာတ်လမ်းလေးကတော့ heavy drama တွေလိုမဟုတ်ဘဲ ပေါ့ပေါ့ပါးပါးနဲ့ စောင့်ကြည့်ရမဲ့ ဇာတ်ကားကောင်းလေးတစ်ကားဖြစ်တာကြောင့် နေကြတ်ရင်ဖြစ်ဖြစ် ဘာဖြစ်ဖြစ် ရှေးဟောင်း ရာဇဝင်သမိုင်းထဲ ပြန်သွားချင်တဲ့ သူတွေအတွက် တကယ့်ကို အခွီထရမဲ့ ဇာတ်ကားလေးတစ်ကားမို့ စောင့်မျှော်ကြည့်ရှုဖို့ ဖိတ်ခေါ်လိုက်ပါရစေ။

Genre ….. Sci-Fi & Fantasy
Episode ….. 12
Network ….. TVN
Quality ….. 720P / 1080P (H264)
Review ….. Verona
Translator ….. Bom, Verona, ATHET, YOON, Ame
Encoder ….. N.A.S

Rainbow Channel