Hellbound (2021)

Season 1

သင်ဟာ သဘာဝလွန်ဇာတ်ကားတွေကို ကြိုက်တဲ့သူဆိုရင်တော့ ဒီကားလေးကို ကြည့်ဖို့လက်လွှတ်မခံသင့်ဘူးနော်

Webtoon ကို အခြေခံထားပြီး နာမည်ကြီး Train to Busan ရုပ်ရှင်ရဲ့ ဒါရိုက်တာ ကိုယ်တိုင်ရိုက်ကူးပုံဖော်ပေးထားတဲ့ ဇာတ်လမ်းပဲ ဖြစ်ပါတယ်

ဇာတ်လမ်းအကျဉ်းလေးကတော့
လူတွေဟာ သူတို့ သေဆုံးတော့မယ်ဆိုရင် ကြိုတင်နိမိတ်ပြတဲ့အနေနဲ့ သေဆုံးမဲ့ အချိန်နဲ့ နေ့ရက်ကို ကြိုတင်အသိပေးခြင်းခံရတယ်။ နိမိတ်ရထားတဲ့သူကို ငရဲကနေ သတ္တဝါဆိုးကြီးတွေရောက်လာပြီး သတ်ပစ်ခြင်းကို ခံကြရပါတယ်။

အဲ့လိုအမှုတွေကို ရဲတွေကစုံစမ်းစစ်ဆေးကြပေမယ့်လဲ ဘာသဲလွန်စမှ မရဖြစ်နေတဲ့ အချိန် ဘာသာရေးအဖွဲ့အစည်းဖြစ်တဲ့ The New Truth ဟာပိုပြီးတော့ လူတွေအပေါ်မှာ ပိုပြီးဩဇာလွှမ်းမိုးလာနိုင်ခဲ့ပါတယ်

သဘာဝလွန်ဖြစ်ရပ်တွေရဲ့ နောက်ကွယ်ကအမှန်တရားက ဘာဖြစ်မလဲ
ဘာသာရေးအဖွဲ့အစည်းကရော ဘယ်လိုတွေ ပတ်သက်နေမလဲ ဆိုတာကို စိတ်ဝင်တစားကြည့်ရမယ့် ကားလေးပဲဖြစ်ပါတယ်

Hellbound 2 (2024)

Season 2

ပရိသတ်ကြီးစောင့်မျှော်နေခဲ့တဲ့ Hellbound က အခုဆိုရင် season 2 ထွက်ရှိလို့လာပါပြီ။Season 1 မှာတုန်းက တစ်ခဲနက်အားပေးမှုရရှိခဲ့သလို ဒီတစ်ခေါက်မှာလည်း ပရိသတ်ကြီးရဲ့အာရုံကို ဘယ်လိုစွဲဆောင်နိုင်ဦးမလဲဆိုတာ စောင့်ကြည့်လိုက်ရအောင်ပါ။

Season 1 အကြောင်း အကျဉ်းချုံးပြောရမယ်ဆိုရင် လူတစ်ယောက်က သေတော့မယ်ဆိုတဲ့ သတင်းစကားကြားရပြီး မကြာခင်မှာပဲ သေမင်းတမန်တော်က လာရောက်သတ်ဖြတ်တာခံရပါတယ်။ဒီလိုအဖြစ်အပျက်တွေကို လူသားတွေလက်ခံလာအောင် ဟောပြောတဲ့ Saejinrihwe ဆိုတဲ့အဖွဲ့တစ်ခုရှိပါတယ်။အဲဒီအဖွဲ့ကို ဆန့်ကျင်တဲ့အဖွဲ့အစည်းတွေရှိသလို စုံထောက်တွေ ရှေ့နေတွေနဲ့ ရုပ်သံသတင်းထောက်တွေကလည်း အဲဒီအဖွဲ့နောက်ကိုလိုက်နေကြတာပါ။ဒီလိုမျိုး တစ်ဖက်နဲ့တစ်ဖက်တိုက်ခိုက်ကြရင်း Saejinrihwe ခေါင်းဆောင်တစ်ယောက် ရှုံးနိမ့်သွားခဲ့ပါတယ်။

အခုတစ်ခေါက် season 2 မှာတော့ Sodo လို့ခေါ်တဲ့ နောက်ထပ်အဖွဲ့အစည်းတစ်ခုပါ ထပ်မံပေါ်ပေါက်လာပြီး Saejinrihwe နဲ့ မပြီးဆုံးသေးတဲ့တိုက်ပွဲတွေ ဆက်ဖြစ်လာချိန်မှာတော့ ဘယ်သူကထပ်မံအနိုင်ယူသွားမလဲဆိုတာ စိတ်ဝင်စားဖွယ်ကြည့်ရှုရမှာဖြစ်ပါတယ်။စုစုပေါင်း ၆ပိုင်းထွက်ရှိမှာဖြစ်ပါတယ်။

Review By CL
Translated By Choco, Thu Thu, CL
Encoded By N.A.S