My Youth (2025)

အခုရက်ပိုင်း အက်ရှင် ဒရမ်မာကားတွေနဲ့ အတွေ့များနေတဲ့ မင်းသား Song Joong-ki ကို ရိုရိုချိုချို ဆွေးဆွေးမြမြ အချစ်ဇာတ်လမ်းလေးနဲ့ ပြန်လည်ကြည့်ရှုရမှာဖြစ်ပါတယ်။ My Youth ဇာတ်လမ်းလေးကတော့ တစ်ချိန်က ကလေးသရုပ်ဆောင်အဖြစ် အောင်မြင်ခဲ့ပေမဲ့လည်း လူကြီးတွေရဲ့ လောဘကြောင့် သူ့အလုပ်အကိုင် ပျက်စီးခဲ့ရတဲ့ Sun Woo-hae အဖြစ် မင်းသား Song Joong-ki မှ သရုပ်ဆောင်ထားပါတယ်။ နှစ်ပေါင်းများစွာ ရုန်းကန်ခဲ့ရပြီးတဲ့နောက်မှာတော့ သူက စာရေးဆရာအပြင် ပန်းပျိုးသူတစ်ဦးအဖြစ် ဘဝကိုအေးအေးဆေးဆေး ဖြတ်သန်း ‌နေတာဖြစ်ပါတယ်။

တစ်နေ့မှာ‌တော့ မထင်မှတ်ဘဲ သူရဲ့အချစ်ဦးဖြစ်သူ Sung Je-yeon က ရုတ်တရက် ပြန်လည်ပေါ်ထွက်လာတဲ့အခါမှာတော့ သူရဲ့ တည်ငြိမ်နေတဲ့ ရေပြင်က လှုပ်ခတ်သွားပါတော့တယ်။ Sung Je-yeon ကတော့ တစ်ချိန်က ကြီးကြီးတက် ချမ်းသာခဲ့ပေမဲ့လည်း စီးပွားရေးမပြေလည်မှုတွေကြောင့် ခက်ခက်ခဲခဲ ရုန်းကန်ခဲ့ရပြီး ဖျော်ဖြေရေးကုမ္ပဏီတစ်ခုမှာ အဖွဲခေါင်းဆောင်အဖြစ် လုပ်ကိုင်နေသူတစ်ယောက်ဖြစ်ပါတယ်။

ဆယ်စုနှစ်တစ်ခုကြာ ဝေးကွာပြီးမှ ပြန်လည်တွေ့ဆုံရတဲ့ သူတိုနှစ်ဦးအကြား အချစ်ရေလှိင်းလေးတွေ ဘယ်လို ရိုက်ခတ်မလဲဆိုတာကို လွမ်းဆွေးဖွယ် ကြည့်ရှုရမှာဖြစ်ပါတယ်။ ဇာတ်ကောင်နှစ်ယောက်ရဲ့ စိတ်ဒဏ်ရာနာကျင်မှုများနဲ့အတူ သူတို ဘယ်လိုရုန်းကန်ခဲ့ရသလဲဆိုတာကို ရိုက်ကူးပြသထားပြီး healing ဖြစ်စေမဲ့ ဇာတ်ကားကောင်းလေးတစ်ကား ဖြစ်ပါတယ်။

My Youth ဆိုတဲ့အတိုင်း ငယ်ဘဝအမှတ်တရတွေကို လွမ်းမောဖွယ် ပြန်လည်တမ်းတရင်း အချစ်ကား ကောင်းကောင်းလေးတွေကို ကြည့်ချင်သူတွေအတွက် အကြိုက်တွေ့စေမှာ ဖြစ်ပါတယ်။ ဇာတ်ကားလေး ပြန်ကြည့်ရင်း ကိုယ့်ရဲ့ ငယ်ဘဝလေးကို တခဏတာ မှေးစက်တမ်းတချင်သူလေးတွေအတွက် ဇာတ်လမ်းလေးကို စောင့်ကြည့်ဖို ဖိတ်ခေါ်လိုက်ပါရစေရှင်။

Genre ….. Drama, Romance
Episode ….. 12
Network ….. VIU
Quality ….. 720P / 1080P (H264)
Review ….. Verona
Translator ….. Bom, Verona, Ame, NoNo, PP, PPT
Encoder ….. N.A.S

Rainbow Channel

=============== The End ===============