No Gain No Love

အချိန်အတော်ကြာစောင့်မျှော်နေခဲ့ရတဲ့ အချစ်ရိုမန့်တစ်ဇာတ်ကားအမျိုးအစားဖြစ်တဲ့ No Gain No Love လေးကတော့ ပရိသတ်ကြီးရှေ့ကိုရောက်ရှိလို့လာပါပြီ။

Hometown Cha-Cha-Cha ရဲ့ မင်းသမီးချောလေး Shin Min-A နဲ့အတူ Penthouse ထဲမှာ မောင်နှမအဖြစ် သရုပ်ဆောင်ခဲ့ကြတဲ့ Kim Young-Dae နဲ့ Han Ji-Hyun တို့ကိုလည်း အတူတူပြန်လည်တွေ့ရှိရမှာဖြစ်လို့ ပရိသတ်ကြီးရင်ခုန်စိတ်လှုပ်ရှားနေမှာ အသေအချာပါပဲ။

ဒါ့အပြင် နာမည်ကြီး Her Private Life ရဲ့ဇာတ်ညွှန်းဆရာ၊Strong Girl Nam-Soon ရဲ့ပဲ့ကိုင်ရှင်ဒါရိုက်တာတို့ရဲ့ ရိုက်ကူးတင်ဆက်မှုတွေကလည်း ပရိသတ်ကြီးရင်ထဲစွဲကျန်ရစ်စေမှာ အမှန်ပါ။Kim Ji-Wook ဆိုတဲ့ အမျိုးသားလေးက စတိုးဆိုင်မှာ အချိန်ပိုင်းဝန်ထမ်းအဖြစ်လုပ်ကိုင်နေပြီးတော့ လူတိုင်းအပေါ် စာနာနားလည်ပေးပြီး အကူအညီပေးတဲ့သူပါ။စတိုးဆိုင်ကိုလာတဲ့ ဧည့်သည်မှန်သမျှ အားလုံးနဲ့ချစ်ချစ်ခင်ခင်ရှိပေမယ့် Son Hae-Young ဆိုတဲ့ ဧည့်သည်နဲ့တော့ အမြဲတမ်းအဆင်မပြေဖြစ်ပေါ်တတ်ပါတယ်။

Son Hae-Young ဆိုတဲ့အမျိုးသမီးလေးကလည်း ငယ်စဉ်တည်းက အရာရာတိုင်းကို တွက်ချက်ပြီး အကျိုးအမြတ်ရဖို့ကိုပဲကြည့်တဲ့သူပါ။သူ့ဘဝအဘိဓာန်မှာ အချစ်နဲ့အရှုံးဆိုတာမရှိတဲ့သူလည်းဖြစ်ပါတယ်။အကျိုးအမြတ်ရမယ့်အရာမှန်သမျှ လက်လွတ်မခံတတ်တဲ့သူ့အတွက် လုပ်ငန်းခွင်မှာ ရာထူးတိုးဖို့အခွင့်အရေးကို ဆုံးရှုံးရတော့မလိုဖြစ်လာခဲ့ပါတယ်။အဲဒီအခွင့်အရေးကို ဆုပ်ကိုင်နိုင်ဖို့ ဟန်ဆောင်လက်ထပ်ဖို့ လိုအပ်လာတဲ့အချိန်မှာတော့ သူနဲ့အဆင်မပြေဖြစ်နေတဲ့ Kim Ji-Wook ဆိုတဲ့အချိန်ပိုင်းအလုပ်သမားလေးကို အကူအညီတောင်းခဲ့ပါတော့တယ်။

Kim Ji-Wook တစ်ယောက်လည်း ကမ်းလှမ်းချက်ကို သဘောတူလက်ခံလိုက်တဲ့အချိန်မှာတော့ ဟန်ဆောင်မင်္ဂလာပွဲကနေ ဘယ်လိုအခြေအနေတွေဆက်ဖြစ်လာမလဲဆိုတာကတော့ စောင့်မျှော်ကြည့်ရှုပေးကြပါဦးနော်။စုစုပေါင်း ၁၂ ပိုင်းပါဝင်မှာဖြစ်ပြီး အပတ်စဉ် တနင်္လာ၊အင်္ဂါနေ့တွေမှာ ကြည့်ရှုနိုင်မှာဖြစ်ပါတယ်။

Review By CL
Translated By CL, YOON, Choco, ATHET, Thu Thu
Encoded By N.A.S