The Art of Sarah (2026)

“ဆာရာ့ရဲ့ မုသားနန်းတော်ကြီး ပြိုလဲချိန်..
ဘယ်လိုလျှို့ဝှက်ချက်တွေ ပေါ်ထွက်လာမလဲ”

Mr. Queen က မယ်မယ် Shin Hye Sun နဲ့ Love Scout ကားထဲက ကလေးအဖေ Lee Joon Hyuk ရဲ့ မုသားတွေနဲ့ ထုံမွှမ်းထားတဲ့ အလှတရားတစ်ခုရဲ့ နိဂုံးကို ကြည့်ရှုရမဲ့ Netflix ရဲ့ အဂေါ်ဆုံး သည်းထိပ်ရင်ဖို ကားသစ်လေး။

အမှန်တရားတွေ ပျောက်ဆုံးနေတဲ့ လူ့အသိုင်းအဝိုင်းကြားမှာ ကိုယ့်ကိုယ်ကိုယ် အဆင့်မြင့် Executive တစ်ယောက်အဖြစ် Identity အတုတွေ၊ Fake Brand တွေနဲ့ ဖန်တီးတည်ဆောက်ထားတဲ့ ဆာရာဂင်ရဲ့ ဘဝက ကြည့်ရှုသူတွေကို ရင်တုန်ပန်းတုန် ဖြစ်စေမှာပါ။ Shin Hye Sun နဲ့ Lee Joon Hyuk ရဲ့ Chemistry အပြင် My Name ဒါရိုက်တာရဲ့ အမိုက်စား ဖန်တီးမှုတွေကြောင့် ဗီဇူရယ်ပိုင်းက ရှယ်ဆိုမှရှယ် အဆင့်အတန်းမျိုး မြင်တွေ့ရမှာဖြစ်ပြီး ပရိသတ်ကြီးအတွက် စောင့်ရကျိုးနပ်စေမှာ ဖြစ်ပါတယ်။

ဇာတ်လမ်းအစမှာပဲ ဆိုးလ်မြို့ရဲ့ အဆင့်မြင့်ရပ်ကွက်တစ်ခုက ရေမြောင်းထဲမှာ ဆာရာ့ရဲ့ ရုပ်အလောင်းကို တွေ့လိုက်ရတာကနေ စိတ်လှုပ်ရှားစရာ Mystery တွေက ဝုန်းခနဲ စတင်လာခဲ့ပါတယ်။ အလှပဆုံး ဇိမ်ခံပစ္စည်းတွေထဲမှာ အနက်ရှိုင်းဆုံး လျှို့ဝှက်ချက်တွေ ရှိနေတတ်တယ်တဲ့.. အလှတရားနောက်ကွယ်က အမှောင်ထုနဲ့ Identity အတုတွေကြားက ပျောက်ဆုံးနေတဲ့ အမှန်တရား… သူက ဘယ်သူလဲ.. သူ့ကို ဘယ်သူသတ်တာဖြစ်မလဲ။

စုံထောက် ဘတ်မူဂယောင်းက ဒီရှုပ်ထွေးလှတဲ့ လူသတ်မှုရဲ့ ကွင်းဆက်တွေကို လိုက်လံဖော်ထုတ်ရင်း Kim Jae Won, Jung Da Bin တို့နဲ့အတူ ဘယ်လိုအမှန်တရားတွေကို တွေ့ရှိသွားမလဲ။ အပိုင်း ၈ ပိုင်းတည်းနဲ့ အနှစ်ချုပ်တင်ဆက်ထားတဲ့ ဒီဇာတ်ကားဟာ မုသားတွေနဲ့ တည်ဆောက်ထားတဲ့ နန်းတော်ကြီး ပြိုလဲသွားတဲ့အခါ ခါးသီးတဲ့ ရလဒ်တွေက ဘာလဲဆိုတာကို ဖော်ပြသွားမဲ့ ကားကောင်းလေးတစ်ကား ဖြစ်ပါတယ်။

စုံထောက်တစ်ယောက်နဲ့ Identity အတုတွေကြားက အမျိုးသမီးတစ်ယောက်ရဲ့ ဉာဏ်ကစားပွဲကို ကြည့်ရှုရမဲ့ ဒီ Mystery Thriller ကားလေးကို Netflix ကနေ အစအဆုံး တစ်ဝကြီး ကြည့်ရှုနိုင်ပြီမို့ အခုပဲ အတူတူ လိပ်ဥတူးလိုက်ကြပါစို့နော်။

Genre ….. Crime, Mystery, Drama
Episode ….. 8
Network ….. Netflix
Quality ….. 720P / 1080P (HEVC)
Review ….. Bom
Translator ….. RMC Team
Encoder ….. N.A.S

Rainbow Channel

============ END =============