“လှချင်ရမ္မက် ငမ်းငမ်းတက်” The beauty (2026)

ရုပ်ရှင်ချစ်ပရိသတ်ကြီးတို့အတွက် ဒီတစ်ခါတော့ အမိုက်စား Concept နဲ့ လာမယ့် စီးရီးအသစ်စက်စက် တစ်ခုကို မိတ်ဆက်ပေးပါရစေ။ နာမည်ကျော် American Horror Story နဲ့ Dahmer စီးရီးတွေကို ဖန်တီးခဲ့တဲ့ Ryan Murphy ကိုယ်တိုင် Showrunner လုပ်ထားတာဆိုတော့ Quality ကတော့ ရှယ်ပဲလို့ မှတ်လိုက်တော့ဗျာ။

နိုင်ငံဒေသအပိုင်းအခြားလိုက် အလှအပစံနှုန်းနဲ့ပတ်သက်ရင် အိုင်ဒီယာမျိုးစုံရှိတာပေါ့။ ဥပမာပြောရရင် လူဖြူတွေက ညိုချောတွေကိုမှ ဆက်ဆီဖြစ်တယ်လို့ထင်ပေမဲ့ အရှေ့တိုင်းဘက်ကလူတွေကျတော့ အသားဖြူမှ ချောတယ်ထင်ပြန်ရော၊ တချို့ကျတော့လည်း ကိတ်မှ ခိုက်တာဆိုပေမဲ့ တချို့ကျတော့လည်း ပိန်ပိန်ပါးပါးလေးတွေမှ ကြွေတာဆိုတာမျိုးတွေပေါ့။

ဒါပေမဲ့ ဘယ်လိုပဲ အကြိုက်တွေမတူညီနေပါစေ၊ တူညီတဲ့အချက်တစ်ခုကတော့ရှိနေတာပါပဲ။ အဲဒါကတော့ ကျားမမရွေး လူတိုင်းအလှမက်ကြတယ်ဆိုတဲ့အချက်ပါပဲ။

အလှတရားကို မက်မောလွန်းလို့ အသက်ပေးရမယ်ဆိုရင်ရော… မိတ်ဆွေတို့က “The Beauty” ကို လက်ခံမှာလား…။

ခေတ်ကြီးက ပြောင်းသွားပြီ။ လှချင်ရင် ပိုက်ဆံကုန်ခံပြီး ခွဲစိတ်စရာမလိုတော့ဘူး။ “The Beauty” လို့ခေါ်တဲ့ ရောဂါပိုးတစ်ခု (STD) ကူးစက်ခံလိုက်ရုံပါပဲ။ ဒီပိုးကူးစက်ခံရရင် လူက အလိုလိုနေရင်း ကျစ်လစ်မိုက်မဲ၊ ချောမောလှပပြီး Super Model ရှုံးလောက်တဲ့ ရုပ်ရည်မျိုး ချက်ချင်းပြောင်းသွားမှာတဲ့။

ဒါပေမဲ့… လောကကြီးမှာ အလကားရတာ ဘာမှမရှိပါဘူး။ ဒီအလှတရားရဲ့ နောက်ကွယ်မှာ ကြောက်စရာကောင်းတဲ့ ဘေးထွက်ဆိုးကျိုးတွေ၊ ပေါက်ကွဲထွက်မတတ် ခြောက်ခြားစရာ သေဆုံးမှုတွေက စောင့်ကြိုနေပါတယ်။ ဒါကိုသိရက်နဲ့ လူတွေက အလှတရားအတွက် အသက်နဲ့ရင်းပြီး ဒီရောဂါကို လိုချင်တပ်မက်နေကြတဲ့အခါ…။

ဒီကားမှာ အဓိကဇာတ်ဆောင်အဖြစ် ပါဝင်လာတာကတော့ ကျွန်တော်တို့ရဲ့ အချစ်တော် Evan Peters (X-Men ထဲက Quicksilver, Dahmer) ပါ။ ဒါ့အပြင် ဟိုအရင်က မင်းသားချော Ashton Kutcher (No Strings Attached) နဲ့ Anthony Ramos (Transformers) တို့ပါ အားဖြည့်ထားကြပါတယ်။

လှချင်ရမ္မက်တွေကြောင့် ပျက်စီးသွားမဲ့ လူ့အဖွဲ့အစည်းအကြောင်းကို သည်းထိတ်ရင်ဖို Body Horror ပုံစံမျိုး ရိုက်ပြထားတာမို့ လုံးဝလက်မလွှတ်သင့်တဲ့ စီးရီးကောင်းတစ်ခု ဖြစ်ပါတယ်။

Genre ….. Drama, Sci-Fi, Fantasy
Quality ….. 720P / 1080P WEB-DL (HEVC)
File Size ….. 400MB / 800MB
Episode ….. 11
Review ….. Venus
Translator ….. Venus
Encoder ….. N.A.S

Rainbow Channel