11 Rebels (2024)

ဂျပန်ပြည်မှာ ဆာမူရိုင်းခေတ်ရဲ့အဆုံးသတ်လို့ပြောလို့ရတဲ့ ခေးအိုခေတ်ရဲ့ စတုတ္ထမြောက်နှစ်မှာ ဂျပန်ပြည်တွင်း စစ်ပွဲတွေစတင်လာခဲ့ပါတယ်။ အရင်ရှိုးဂန်းဟောင်းနဲ့အတူ ဆာမူရိုင်းစနစ်ကိုအဆုံးသတ်ချင်သူတချို့က တော်ဝင်တရားရုံးကိုထောက်ခံပြီး တော်ဝင်တပ်မတော်ဖွဲ့စည်းကာ တိုင်းပြည်တစ်ဝှမ်းအာဏာထိန်းသိမ်းဖို့ကြိုးစားခဲ့ပါတယ်။ တစ်ဖက်မှာလည်း အရင်ရှိုးဂန်းနဲ့ရင်းနှီးတဲ့ ဆာမူရိုင်းနယ်မြေတွေဟာ မဟာမိတ်အင်အားစုဖွဲ့စည်းပြီး တော်ဝင်တပ်မတော်ကိုတွန်းလှန်ဖို့ ကြိုးစားခဲ့ပါတယ်။ အဲဒီအချိန်မှာ နှစ်ဖက်စလုံးအတွက် မျက်စိကျစရာဖြစ်လာတာကတော့ ရှီဘာတာနယ်ပါပဲ။

ဆုံးဖြတ်ချက်မပြတ်သားတဲ့ ရှီဘာတာနယ်ဟာ ကြားနေခွထိုင်ဖို့ကြိုးစားခဲ့ပေမဲ့ မဟာမိတ်အင်အားစုတွေကလည်း ဆာမူရိုင်းစိတ်ဓာတ်ကိုပြဖို့ ရှီဘာတာကိုဖိအားပေးနေသလို တော်ဝင်တပ်မတော်အမြင်မှာလည်း ရှီဘာတာဟာ မဟာမိတ်အင်အားစုရဲ့ ဗျူဟာမြောက်သော့ချက်ဖြစ်နေခဲ့ပါတယ်။

ဒီလိုနဲ့ပဲရှီဘာတာဟာ သေဒဏ်ကျအပြစ်သား ၁၀ ယောက်ကို အသေခံတပ်သားအဖြစ်စေလွှတ်ပြီး နှစ်ဖက်စလုံးကိုလှည့်စားဖို့ ကြိုးစားပါတော့တယ်။ ရှီဘာတာရဲ့ တကယ့်ရည်ရွယ်ချက်ကဘာဖြစ်မလဲ။ အသေခံတပ်သားတွေရဲ့ကံကြမ္မာကရော ဘာတွေဆက်ဖြစ်လာမှာလဲ။ အသေခံတပ်သား ၁၀ ယောက်ကနေ သူပုန် ၁၁ ယောက်ဆိုတဲ့နာမည် ဘာလို့ဖြစ်လာတာလဲဆိုတာတွေကိုတော့ ဇာတ်ကားထဲမှာပဲအဖြေရှာကြည့်ကြပါဦးနော်။

Review and Translated By နံနံပင်
Encoded By N.A.S

Rainbow Channel

333 total views , 6 views today