Heart Eyes (2025)

ဒီတစ်ခါမှာတော့ ရည်းစားမရှိတဲ့လူတွေ အားပါးတရကြည့်လို့ရမယ့် horror ရုပ်ရှင်လေးတစ်ကားနဲ့ မိတ်ဆက်ပေးချင်ပါတယ်။ 2025 မှာ ထွက်ရှိလာတဲ့ IMDb rating 6.4/10 ရရှိထားတဲ့ Heart Eyes ဆိုတဲ့ လူသတ်ဇာတ်ကားတစ်ကားပဲဖြစ်ပါတယ်။

အသည်းပုံမျက်လုံးနှစ်လုံးပါတဲ့ မျက်နှာဖုံးကို ဝတ်ဆင်ထားတဲ့ ကွင်းဆက်လူသတ်သမားတစ်ယောက်က နှစ်စဥ် ဗယ်လက်တိုင်းဒေးတွေမှာ အတွဲတွေကိုပဲ ရက်ရက်စက်စက် လိုက်လံသတ်ဖြတ်နေတာကြောင့် စုံတွဲတွေ အနေနဲ့ အပြင်မှာ လျှောက်လည်ဖို့တောင် ကြောက်လန့်နေကြရပါတယ်။

‌ဒီနှစ်မှာတော့ သားကောင်အနေနဲ့ပစ်မှတ်ထားခံရတာက အချစ်ကို အယုံအကြည်မရှိပဲ ကြော်ငြာကုမ္ပဏီက အလုပ်ပြုတ်ခံနီးဆဲဆဲ ဖြစ်နေတဲ့ အယ်လီနဲ့ သူ့ကို ကူညီဖို့အတွက် ကုမ္ပဏီကို အသစ်ရောက်လာတဲ့ ရိုမန့်တစ်ဆန်လွန်းတဲ့ ဂျေး ဆန်မွန်တို့ပဲဖြစ်ပါတယ်။

အတွဲမဟုတ်ပဲ အသည်းပုံလူသတ်သမားရဲ့ ပစ်မှတ်ထားခြင်းကိုခံရတဲ့ သူတို့နှစ်ယောက် လူသတ်သမားလက်က ဘယ်လို ထွက်ပြေးလွတ်မြောက်အောင် ကြိုးစားကြမလဲ။

အသည်းပုံမျက်လုံး မျက်နှာဖုံးအောက်က လူသတ်သမားကရော ဘာကြောင့် အတွဲတွေကိုမှ အငြိုးတကြီးလိုက်သတ်နေရတာလဲဆိုတာကို သွေးထွက်သံယို ဇာတ်လမ်းဇာတ်ကွက်တွေနဲ့ အဆုံးထိ စိတ်ဝင်တစားကြည့်ရှုရမှာပဲဖြစ်ပါတယ်။

Review and Translated By ATHET
Encoded By N.A.S

Rainbow Channel

112 total views , 4 views today