Joker: Folie à Deux (2024)

ဒီတစ်ခေါက်ကတော့ စိတ္တဇဆန်ဆန်ဇာတ်လမ်း‌လေးတွေကို ကြိုက်နှစ်သက်တဲ့ ပရိတ်သတ်တွေနဲ့ ရင်းနှီးပြီးသားဖြစ်မယ့် Jocker ရဲ့ ဇာတ်လမ်းအဆက်လေးဖြစ်တဲ့ “Joker: Folie à Deux” ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဒီတစ်ခေါက်ရုပ်ရှင်ဇာတ်ကားလေးကလည်း အရှေ့က Jocker 1 လိုပါပဲ ဂျိုကာတစ်ယောက် ဘယ်လိုတွေ စိတ္တဇဆန်ဆန်လူသတ်မှုတွေ ကျူးလွန်ပြီး ပြစ်မှုတွေကနေလွတ်အောင် ကြံဖန်သွားမလဲဆိုတာ ကြည့်ရမှာပါ။ ဒီကားလေးရဲ့ ထူးခြားချက်ကတော့ အရှေ့ Jocker ဇာတ်ကားနဲ့ မတူပဲ musical ဘက်သွားထားပါသေးတယ်၊ ဆိုတော့ ခြောက်ခြားစရာပြစ်မှုတွေ ကျူးလွန်လိုက်၊သီချင်းလေးဆိုလိုက်နဲ့ဆိုတော့ ပိုပြီး စိတ္တဇဆန်စရာကောင်းနေပါသေးတယ်။

ဒီဇာတ်လမ်းထဲမှာတော့ ဂျိုကာလို့သိကြတဲ့ အာသာဖလက်ဆိုတဲ့သူက လူငါးယောက်ကိုသတ်ခဲ့တဲ့အမှုနဲ့ စွဲချက်အတင်ခံရပြီး သေဒဏ်ချမှတ်ခံရဖို့ တရားရင်ဆိုင်နေရတာပါ၊ တရားရင်ဆိုင်ရင်း အချုပ်ထဲရောက်နေတုန်း “လီ” လို့ခေါ်တဲ့ မိန်းကလေးနဲ့တွေ့ပြီး ချစ်ကြိုက်မိကြပါတယ်။ အဲ့လိုနဲ့ “လီ” တစ်ယောက် ဂျိုကာ ကျူးလွန်သမျှအမှုတွေကိုလည်း နောက်ကနေပါရမီဖြည့်ပေးရင်း သူတို့နှစ်ယောက်ရဲ့ စိတ်ကူးယဉ်ကမ္ဘာလေး‌ထဲမှာ ပျော်မွေ့နေကြတာပေါ့၊ ဂျိုကာရဲ့ ရှေ့နေဖြစ်သူကလည်း လူသတ်မှုတွေကျူးလွန်တာဟာ အာသာဖလက် မဟုတ်ပဲ သူ့ရဲ့မသိစိတ်နဲ့ စိတ်ဝေဒနာဒဏ်ရာကြောင့် အခြားစရိုက်တစ်ခုကကျူးလွန်တယ်လို့ တရားရုံးမှာတင်သွင်းခဲ့ပေမယ့် ဖလက် ကတော့ လက်မခံပဲရှေ့နေကိုပါ အမှုကနေထုတ်ပယ်လိုက်ပါသေးတယ်။ အဲ့လိုနဲ့ သူကိုယ်တိုင်အမှုရဲ့ ရှေ့နေဆက်လုပ်ရင်း တရားရုံးမှာ ထင်တိုင်းကြဲပုံတွေကို ကြည့်ရင်း ဇာတ်လမ်းအဆုံးမှာ ဘာတွေဆက်ဖြစ်သွားမလဲဆိုတာ ကြည့်ရဦးမှာပါ။

Review By YOON
Translated By ATHET, YOON
Encoded By N.A.S