Kudumbasthan (2025) Tamil

Tamil ကား‌တွေထဲမှာ ကလဲ့စားချေတာမပါ action မပါပဲ ပေါ့ပေါ့ပါးပါးနဲ့ အနှစ်သာရအပြည့်ရှိတဲ့ မိသားစုဟာသကား ကြည့်ချင်တဲ့သူတွေ ရွေးချယ်သင့်တဲ့ comedy ဇာတ်ကားလေးပဲဖြစ်ပါတယ်။ Kudumbasthan က eng အခေါ်အဝေါ်ဆို Family Man လို့ အဓိပ္ပာယ်ရပြီး လူလတ်တန်းစားမိသားစုဘဝက ဆင်းသက်လာတဲ့ အမျိုးသားတစ်ဦးရဲ့ မိသားစုအပေါ်ထားတဲ့ ချစ်ခြင်းမေတ္တာကို ဟာသလေးနှောပြီး ရိုက်ကူးထားပြီး Rating 8.1/10 အထိရရှိထားတာဖြစ်ပါတယ်။

နာဗီး နဲ့ ဗန်နီလာက အဆင့်အတန်းချင်းမတူပေမယ့် မိဘတွေ သဘောမတူတဲ့ကြားထဲက ခိုးပြေးပြီး မရမက လက်ထပ်ထားကြတာပဲဖြစ်ပါတယ်။အိမ်ထောင်ကျပြီးတဲ့တစ်လျှောက်လုံး ဗန်နီလာကို မျက်နှာတစ်ချက်အညှိုးမခံပဲ အကောင်းဆုံးဆိုတာတွေပဲ ပေးပြီး မိန်းမထိ ဓားကြည့်ဆိုတဲ့ လူစားမျိုးပါ။ အိမ်ထောင်သက်တမ်း‌လေးရလာပြီး ဗန်နီလာမှာ ကိုယ်ဝန်ရှိလာတဲ့အခါမှာတော့ နာဗီး ပုံမှန်ထက်အလုပ်ကြိုးစားလုပ်‌ပေမယ့် ကံဆိုးချင်တော့ မိသားစုမှာတစ်ခုတည်းသော ဝင်ငွေရှာနိုင်တဲ့ နာဗီး အလုပ်ပြုတ်သွားခဲ့ပါတယ်။

မွေးလာမယ့်ကလေးစရိတ် မိသားစုရဲ့ကုန်ကျစရိတ်တွေကို နာဗီး ဘယ်လိုရုန်းကန်ရှာပြီး ဘဝကိုတိုးတက်အောင် ကြိုးစားသွားမလဲဆိုတာ ဟာသလေးနှောပြီး ကြည့်ရှုရမှာဖြစ်ပါတယ်။ ၂၀၂၅ ရဲ့ စတုတ္ထ‌မြောက်ဝင်‌ငွေအကောင်းဆုံးဇာတ်ကားဖြစ်ပြီး မှတ်ချက်ကောင်း‌တွေအပြည့်ရရှိထားတဲ့အတွက် လက်မလွှတ်သင့်တဲ့ ဇာတ်ကားကောင်းလေးပဲဖြစ်ပါတယ်။

Review By Eugene
Translated By RMC Team
Encoded By N.A.S

Rainbow Channel

215 total views , 4 views today