Melo Movie (2025)

“ကျွန်တော့်လျှို့ဝှက်ချက်ကို ပြောပြရင် ကျွန်တော့်ကို သဘောကျပေးမလား… ထားမသွားဘဲနဲ့လေ…”
လူတွေနဲ့ စကားပြောပြီး ရင်းရင်းနှီးနှီးနေရတာ သက်သောင့်သက်သာမရှိတဲ့ ကောင်မလေးနဲ့ လူတွေကို တောက်ပစွာပြုံးပြတတ်ပြီး ဖော်ရွေတတ်တဲ့ ကောင်လေး..
ဖော်ရွေတတ်တဲ့သူတွေကပဲ အရင်ထားသွားတတ်တာမို့ အဲဒီလိုလူမျိုးတွေကို မယုံကြည်တတ်တဲ့ ကောင်မလေးက ချိုသာတဲ့အပြုံးလေးနဲ့ ညှို့ယူတတ်တဲ့ ကောင်လေးရဲ့ အပြောမှာ မျောပါသွားပြီး စိတ်တံခါးကို ဖွင့်ပေးလိုက်မိချိန်မှာ “ထားမသွားပါနဲ့”လို့ သူပဲပြောခဲ့ပြီး ရုတ်တရက်ကြီး ပျောက်ဆုံးသွားတဲ့ ကောင်လေး..
သူတို့နှစ်ယောက်က ၅ နှစ်အကြာမှာ မထင်မှတ်တဲ့ပုံစံမျိုးနဲ့ ပြန်တွေ့ဆုံဖို့ ဖြစ်လာတဲ့အခါ…
ရုပ်ရှင်တွေကို မြတ်နိုးစွာသဘောကျတတ်တဲ့ ကောင်လေးက “ရုပ်ရှင်”လို့ အဓိပ္ပါယ်ရတဲ့ မူဘီဆိုတဲ့ နာမည်လှလှလေးနဲ့ သူ တစ်ချိန်က ရင်ခုန်ခဲ့ဖူးတဲ့ ကောင်မလေးကို အောင်မြင်တဲ့ ဒါရိုက်တာမလေးအဖြစ် ပြန်တွေ့ရချိန်၊ သူကိုယ်တိုင်ကတော့ ရုပ်ရှင်ဝေဖန်ရေးသမားတစ်ယောက် ဖြစ်နေခဲ့ပါပြီ။
စိမ်းကားစွာ ထားရစ်ခဲ့လို့ နာကျည်းချက်တွေရှိနေတဲ့ ကောင်မလေးက ကောင်လေးနဲ့ပြန်တွေ့တဲ့အချိန် ဘယ်လိုများဆက်ဆံမှာလဲ..
လွန်ခဲ့တဲ့ ၅ နှစ်က ကောင်လေး ရုတ်တရက်ပျောက်ကွယ်သွားရခြင်းရဲ့ နောက်ကွယ်မှာ ဘယ်လိုအကြောင်းရင်းတွေရှိနေမလဲ..
အစကတည်းက ဆုံးနေတာလား၊ တစ်ဖန်ပြန်စတင်တာလား ဝေခွဲမရနိုင်တဲ့ သူတို့ဆက်ဆံရေးရဲ့ အဆုံးသတ်ကရော happy ending ဖြစ်နိုင်ပါ့မလား..
ဆိုတာတွေကိုတော့ အချစ်သီချင်းချိုချိုလေးတွေနဲ့ ချစ်သူများနေ့မှာ စောင်ကိုက် ပေါင်ရိုက်ပြီးကြည့်ရှုနိုင်ဖို့ ၁၀ ပိုင်းဆက်တိုက် ထွက်ရှိသွားမယ့် Netflix စီးရီးလေးထဲမှာ ရင်ခုန်စွာ စီးမျောခံစားကြည့်လိုက်ကြရအောင်ပါ။

Ex ဇာတ်ရုပ်တွေနဲ့ ပရိသတ်ရင်ထဲရောက်မယ့်ဇာတ်ကားတွေနဲ့အတူ ပြန်ပြန်ပေါ်လာတတ်တဲ့ မင်းသား Choi Woo-Sik၊ မင်းသမီး Park Bo-Young၊ Impossible Heir ထဲက ဂန်အင်ဟာအဖြစ် သရုပ်ဆောင်တဲ့ မင်းသား Lee Jun-Young၊ မင်းသမီး Jeon So-Nee တို့အပြင် မင်းသား Kim Jae-Wook နဲ့ Study Group ထဲမှာ ဖီအန်အူအဖြစ်သရုပ်ဆောင်ထားသူ မင်းသား Cha Woo-min တို့ကပါ ပါဝင်အားဖြည့်ပေးထားကြပါတယ်။

Our Beloved Summer ဇာတ်ညွန်းရေးဆရာမရဲ့ လက်ရာအသစ်ဖြစ်ပြီး Hotel Del Luna, Start-up, My love from the Star အစရှိတဲ့ masterpiece တွေရဲ့ ပဲ့ကိုင်ရှင် ဒါရိုက်တာကြီးရိုက်ကူးထားတဲ့ အချစ်ကားလေးက ချစ်သူများနေ့မှာ ဘယ်သွားရမှန်းမသိ မှိုင်နေမယ့် FA  ကိုကိုမမတို့ကိုရော၊ ချစ်သူနဲ့အတူ ကြည်ကြည်နူးနူးကြည့်မယ့်သူတွေကိုပါ ဘယ်လို ရင်ခုန်စွာနဲ့ ချိုမြိန်တဲ့ရသကို ပေးစွမ်းမလဲဆိုတာ စိတ်ဝင်တစား စောင့်မျှော်ကြည့်ရှုလိုက်ကြပါဦးနော်။

Quality….. 720P / 1080P
Episode….. 10
Network….. Netflix
Review….. Thu Thu
Translator….. Anna, CL, Thu Thu, Ariel, Choco
Encoder…… N.A.S

Rainbow Channel

219 total views , 12 views today