Aftermath (2024)

ဒီတစ်ခါတော့ အက်ရှင်အကြမ်းစားလေးတွေကို ကြည့်ချင်ပါတယ်ဆိုတဲ့ ပရိတ်သတ်‌တွေ လက်မလွှတ်သင့်တဲ့ ဇာတ်ကားကောင်းလေးတစ်ကားကိုပြောပြပေးချင်ပါတယ်။

ဇာတ်လမ်းအကျဉ်းချုပ်လေးကိုပြောပြရရင်တော့ အစိုးရက ပုန်ကန်ရေးတပ်ဖွဲ့တစ်ခုဖြစ်တဲ့ ပန်တဂွန်ရဲ့ရဲဘော်တွေကို ဖမ်းဆီးထားတာကြောင့် ပုန်ကန်သူတွေက တိုဘင်တံတားကိုဖောက်ခွဲပြီး ပြည်သူတွေကို ဓားစာခံအနေနဲ့ဖမ်းဆီးထားပြီးတော့ သူတို့ရဲဘော်တွေကိုပြန်လွှတ်ပေးဖို့ စေခိုင်းခဲ့ပါတယ်၊

ပြည်သူတွေရဲ့ အသက်နဲ့ခြိမ်းခြောက်ထားတာကြောင့် ရဲတွေကလည်း ရှေ့မတိုးသာနောက်မဆုတ်သာဖြစ်နေတဲ့ အခြေအနေမှာ ကြားထဲက ဓားစာခံပြည်သူတွေကပဲ ဒုက္ခရောက်ပြီး အသက်ဆုံးရှုံးနေကြရတာပါ၊ ဖြစ်ချင်တော့ တံတားပေါ်ပိတ်မိနေတဲ့သူတွေထဲ တပ်ဖွဲ့ဝင်ဟောင်းတစ်ဦးဖြစ်တဲ့ အီရစ်နဲ့သူ့ရဲ့ညီမလေးတို့ကလည်း တံတားပေါ်မှာပိတ်မိနေကြပါတယ်၊ အဲ့လိုနဲ့ အီရစ်တစ်ယောက် လူအင်အား၊လက်နက်အင်အားနဲ့ မယှဉ်နိုင်ပေမယ့် ညီမဖြစ်သူကို ဘေးကင်းကင်းနဲ့ အိမ်ပြန်နိုင်စေဖို့ ဘယ်လိုလှည့်ကွက်တွေသုံးပြီး ရင်ဆိုင်ရမလဲ၊ သူ့ညီမလေးအပါအဝင် အပြစ်မဲ့ပြည်သူတွေရော ဘေးကင်းနိုင်ပါ့မလားဆိုတာ ကြည့်ရှုရမှာပါနော်။

ဖောက်ခွဲရေးအဖွဲ့ရဲ့ စစ်‌ဆင်ရေးတွေကလည်း အရမ်းကိုအစီအစဉ်ကျပြီး အမိုက်စားအက်ရှင်ခန်းတွေလည်း ပါသေးတာမို့ တကယ့်ကိုကြည့်ရတန်တဲ့အက်ရှင်ကားကောင်းလေးတစ်ကားဖြစ်မှာပါနော်။

Review By YOON
Translated By YOON, ATHET, Ye Myat
Encoded By N.A.S

374 total views , 1 views today