Hear Me: Our Summer (2024)

ဒီတစ်ခေါက်မှာတော့ RMC ပရိသတ်ကြီးအတွက် IMDB 7.6/10 ရရှိထားတဲ့ အချစ်ကားချိုချိုလေးကို တင်ဆက်ပေးချင်ပါတယ်။ Weak Hero Class ထဲမှာ အိုဘုံဆော့အဖြစ်သရုပ်ဆောင်ခဲ့သူ မင်းသား Hong Kyung၊ Crush Course in Romance ထဲက နမ်ဟယ်ရီအဖြစ် သရုပ်ဆောင်ခဲ့သူ Roh Yoon-seo နဲ့ Iz*One အဖွဲ့ထဲက Kim Min-ju တို့က အဓိကပါဝင်သရုပ်ဆောင်ထားကြပါတယ်။

ယုံးဂျွန်းက ဘဝမှာ ဖြစ်ချင်တာရယ်လို့ မယ်မယ်ရရ မရှိသေးတဲ့ လူငယ်လေးတစ်ယောက်ပါ။ အလုပ်လျှောက်လွှာတွေတင်ခဲ့ပေမဲ့ အကုန် အပယ်ခံခဲ့ရလို့ မိဘတွေရဲ့ နေ့လယ်စာ ထမင်းဘူးဆိုင်မှာ ဒယ်လီလိုက်ပို့တဲ့အလုပ်ကို ကူညီလုပ်ကိုင်ပေးနေရင်း တစ်နေ့မှာတော့ ထမင်းဘူးသွားပို့ရင်းနဲ့ ယောရွန်းဆိုတဲ့ ကောင်မလေးတစ်ယောက်ကို မြင်မြင်ချင်း ချစ်မိသွားပါတော့တယ်။

ယောရွန်းက နားမကြားသူ ရေကူးအားကစားသမား ညီမလေးကို ကူညီပေးနေသူဖြစ်ပြီး သူ့ဘဝထက် သူများရဲ့ဘဝတွေကို ပံ့ပိုးထောက်ပံ့ပေးရင်း အလုပ်များနေသူပါ။ ဒီလိုမျိုး ကိုယ်ကျိုးစွန့်တတ်သူ ယောရွန်းနဲ့ ယောရွန်းကို အရိပ်တကြည့်ကြည့် ချစ်ရသူ ယုံးဂျွန်းတို့ကြား ဘယ်လိုဇာတ်လမ်းလေးတွေ ပေါ်ပေါက်လာမလဲဆိုတာနဲ့ ယုံးဂျွန်းတစ်ယောက် နောက်ဆုံးမှာ ယောရွန်းကို ပိုင်ဆိုင်နိုင်မလား၊ မတူညီတဲ့ဘဝအခြေအနေတွေကြောင့်ပဲ ဝေးကွာသွားရမလားဆိုတာကိုတော့ ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦးနော်။

Review and Translated By Thu Thu
Encoded By N.A.S