Lucky Baskhar (2024)

Language: Telugu
IMDB Rating: 8.3/10

ဒီတစ်ခါတော့ အိန္ဒိယရုပ်ရှင်ကြိုက်ပရိတ်သတ်ကြီးအတွက် အကြိုက်တွေ့ပြီး ကြည့်ရတာပျော်စေမယ့် ဇာတ်ကားကောင်းလေးနဲ့ မိတ်ဆက်ပေးချင်ပါတယ်။

ဇာတ်လမ်းအကျဉ်းလေးကို ပြောပြရရင်တော့ ‘ဘတ်စ်ကာ’ ဆိုတဲ့ ဘဏ်ငွေကိုင်တစ်ယောက်က သာမန်ရုံးဝန်ထမ်းဘဝနဲ့ ရိုးရိုးသားသားရှာဖွေရင်း မိသားစုကို ထောက်ပံ့နေတာပါ၊ ဒါပေမယ့် သူရတဲ့လစာနဲ့ ‌မိသားစုစားဝတ်နေရေးက ပြေပြေလည်လည်တော့ မရှိတာမို့ ရပ်ကွက်ထဲမှာလည်း အကြွေးပတ်လည်ဝိုင်းနေတော့တာပါပဲ၊ အလုပ်ကြိုးစားပြီး ရိုးသားတဲ့ ဘတ်စ်ကာ တစ်ယောက် ဘဏ်ရဲ့သုံးနှစ်ဆက်တိုက် အကောင်းဆုံးဝန်ထမ်းဆုကို ရခဲ့ပေမယ့် ရာထူးတိုးကိုတော့ သူ့ကိုပယ်ချပြီး အခြားတစ်ယောက်ကို ပေးလိုက်ပါတယ်၊

ဒါကြောင့် ရိုးရိုးသားသားလုပ်ကိုင်နေလို့ မထူးတဲ့ဘဝမှာ မိသားစုအတွက် ဘဝကိုရင်းပြီးတော့ ဘဏ်ကပိုက်ဆံတွေလှည့်ပြီး နိုင်ငံခြားဖြစ်ပစ္စည်းတွေကို ပြည်နယ်ထဲ ကြံဖန်တင်သွင်းပြီး ရင်းနှီးမြုပ်နှံပါတော့တယ်။

ဒါပေမယ့် ကံကောင်းတဲ့ဘတ်စ်ကာ တစ်ယောက်ကတော့ လုပ်သမျှကအရာထင်ပြီး အကုန်အဆင်ပြေနေတော့တာပါပဲ၊ ဒီလိုနဲ့ ဘဏ်မှာဆက်လုပ်ရင်း ရာထူးတွေလည်းတိုး မိသားစုကိုလည်း ကောင်းကောင်းမွန်မွန်ထားနိုင်ပြီး အစစအရာရာအဆင်ပြေနေတဲ့အချိန်မှာမှ စီဘီအိုင်ကနေခေါ်ပြီးတော့ စစ်ဆေးတာခံရပါတော့တယ်။

အဲ့တော့ ကံကောင်းတဲ့ဘတ်စ်ကာ တစ်ယောက်ကို စီဘီအိုင်က ဘာအတွက်များ ခေါ်ယူစစ်ဆေးရတာလဲ၊ သူ့ဘဝကရော ဘယ်လိုအလှည့်အပြောင်းတွေနဲ့ ကြုံရမလဲ၊ ‌ရှေ့လျှောက်ရော ကံကောင်းနိုင်ပါဦးမလားဆိုတာကို ပျော်ပျော်ရွှင်ရွှင်လေးနဲ့ စိတ်ဝင်တစားကြည့်ရမှာပါ။

IMDb rating ကလည်း 8.3/10 ထိရရှိထားတာမို့ ကြည့်ရတန်တဲ့ ဇာတ်ကားကောင်းလေးတစ်ကားဖြစ်မှာပါ။

Review By YOON
Translated By Aye Myat Myat Thu, YOON
Encoded By N.A.S