Saving Private Ryan 1998

ဒီကားလေးကတော့ စစ်ကားလို့ပြောလိုက်တိုင်း All time epic film စာရင်းမှာပါ၀င်နေတဲ့ ​လက်ရာကောင်းတစ်ကားပါ။ Steven Spielberg ကိုယ်တိုင် ထုတ်လုပ်ပြီး ကိုယ်တိုင်ရိုက်ကူးထားတဲ့ ပြောင်မြောက်တဲ့ လက်ရာကောင်းတစ်ခုဖြစ်ပြီး အဖွင့်တိုက်ပွဲဖြစ်တဲ့ အိုမာဟာကမ်းခြေက တိုက်ပွဲ Scene တစ်ခုစာကိုတင် ဒေါ်လာသန်းဆယ်ချီပြီး အကုန်ကျခံရိုက်ကူးထားတဲ့ Authentic Scene မျိုးတွေနဲ့ ဖွဲ့စည်းထားပါတယ်။

အချိန်ကာလအနေနဲ့ကတော့ ဒုတိယကမ္ဘာစစ်ကာလ အမေရိကန်နိုင်ငံဘက်က ပြင်သစ်ရဲ့နော်မန်ဒီကမ်း​သိမ်းတိုက်ပွဲအတွင်းမှာ ဂျာမန်တပ်တွေရဲ့ အလုံးအရင်းခုခံမှုကြား အထိအခိုက်အကျအဆုံး များနေချိန်ဖြစ်ပါတယ်။ စစ်မက်ရေးရာဌာနရဲ့ ၀င်စာတွေထဲမှာ မိသားစုလိုက်စစ်ထဲ၀င်ခဲ့ကြတဲ့ ရိုင်ယန်ညီအစ်ကိုလေးယောက်မှာ သုံးယောက်တိုက်ပွဲမှာကျဆုံးသွားကြောင်း ပါ၀င်လာပါတယ်။ အငယ်ဆုံးညီဖြစ်တဲ့ ဂျိန်းရိုင်ယန်ကတော့ နော်မန်ဒီကမ်းခြေကတိုက်ပွဲအတွင်းမှာ ပျောက်ဆုံးနေတယ်လို့သိရတာကြောင့် နိုင်ငံအတွက် သားလေးယောက်လုံးပေးဆပ်ထားတဲ့ မိခင်ကြီးကို ထောက်ထားတဲ့အနေနဲ့ အငယ်ဆုံးဖြစ်တဲ့ ဂျိန်း ရိုင်ယန်ကို နိုင်ငံဘက်ကတိုက်ပွဲအတွင်းကနေ ကယ်ထုတ်ပြီး အိမ်ပြန်ပို့ပေးမှာ ဖြစ်ပါတယ်။

ကောက်ရိုးပုံထဲအပ်ပျောက်ရှာသလိုဖြစ်နေတဲ့ ဒီမစ်ရှင်ကို ကက်ပတိန်မီလာခေါင်းဆောင်တဲ့ တပ်သား၈ယောက်ပါ၀င်တဲ့ တပ်စုကထမ်းဆောင်သွားမှာဖြစ်ပြီး ဂျာမန်တွေအုံခဲနေတဲ့ကြားက တပ်သားတစ်ယောက်ကို ဘယ်လိုဖောက်ထွက်ကယ်တင်သွားမလဲဆိုတာ စိတ်၀င်စားဖွယ်ရှုစားရမှာပါ။

အချိန်ကာလအားဖြင့် ၃၆ နှစ်ကြာမြင့်ခဲ့ပြီဖြစ်တဲ့ဒီကားဟာ ထွက်ရှိချိန်က Best Picture ,Best Directing, Best Leading Actor…စတဲ့ အကောင်းဆုံးဆုတံဆိပ်များစွာကို ရရှိခဲ့တဲ့ ကားကောင်းတစ်ကားလည်းဖြစ်ပါတယ်။ သရုပ်ဆောင်တွေအနေနဲ့လည်း TOM Hanks ..Matt Damon..Vin Diesel..Tom Sizemore စတဲ့ ဒိတ်ဒိတ်ကြဲပေါင်းများစွာကခေါင်းဆောင်ပါ၀င်ထားပြီး မင်းသားကြီးတွေရဲ့ငယ်ဘ၀နုပျိုမှုတွေကိုပါ တဖန်ပြန်လည်ရှုစားရဦးမှာပါ။ ရှုစားအားပေးကြပါဦး။

Review By Ariel
Translated By Ariel, May, Khun
Encoded By N.A.S

718 total views , 2 views today