Smugglers (2023)

ကိုရီးယားကားကိုမှ ပုံမှန် Romance ဇာတ်လမ်းလေးတွေ မကြည့်ချင်ဘူး အက်ရှင်ဆန်တာတွေကြိုက်တယ် မှုခင်းနဲ့ပတ်သက်တာတွေ စိတ်ဝင်စားတယ်ဆိုရင် Smugglers ဆိုတဲ့ဇာတ်ကားလေးနဲ့ မိတ်ဆက်ပေးချင်ပါတယ်။ ဒီဇာတ်ကားမှာ အို့ဘွန်းအဖြစ်သရုပ်ဆောင်တဲ့ မင်းသမီး Go Min-si ကလည်း ဒီဇာတ်ကားနဲ့ပဲ အကောင်းဆုံးအမျိုးသမီးဇာတ်ဆောင်ဆု ဆွတ်ခူးထားတာမို့ ကြည့်ရတာမမှားစေရဘူးဆိုတာတော့ အာမခံပါတယ်ခင်ဗျာ။

အို့ဘွန်းရယ် သူ့ရဲ့ဖခင်နဲ့မောင်လေးဖြစ်သူရယ်တို့ဟာ သင်္ဘောတစ်စီးပိုင်ပြီး ပင်လယ်ကမ်းခြေရွာလေးတစ်ရွာမှာ ပင်လယ်ငုပ်၊ ဂုံးကောက်တဲ့အလုပ်နဲ့ အသက်မွေးကြပါတယ်။ ဒီရွာတစ်ရွာလုံးနီးနီးက ရေငုပ်တဲ့လုပ်ငန်းနဲ့ပဲ အသက်မွေးကြတာဖြစ်ပါတယ်။ အို့ဘွန်းမှာ ချွန်းဂျာဆိုတဲ့ သူငယ်ချင်းတစ်ယောက်နဲ့၊ ဂျန်ဒိုရီဆိုတဲ့ သူတို့ကျွေးမွေးထားတဲ့ ကောင်ငယ်လေးတစ်ယောက် ရှိပါတယ်။

ပင်လယ်ငုပ်တဲ့အလုပ်ဟာ ထင်သလောက်ငွေလမ်းမဖြောင့်ဖြူးတာကြောင့် ရေငုပ်သမားတွေဟာ ပင်လယ်ထဲချပေးလိုက်တဲ့ မှောင်ခိုပစ္စည်းတွေကို ရေငုပ်ပြီးသယ်‌ယူပေးရတဲ့အလုပ်ကို လုပ်လာကြပါတယ်။

ကံဆိုးရှာတဲ့အို့ဘွန်းတို့ကတော့ တစ်ရက်မှာဒီလိုလုပ်ရင်း အခွန်ဌာနကရဲတွေရဲ့ အကြမ်းဖက်ဖမ်းဆီးမှုကြောင့် အဖေနဲ့မောင်က သေဆုံးခဲ့ရပြီး အို့ဘွန်းကတော့ ထောင်ကျသွား‌ခဲ့ရပေမဲ့ ချွန်းဂျာနဲ့ဂျန်ဒိုရီကတော့ ထွက်ပြေးလွတ်မြောက်သွားခဲ့ပါတယ်။ အို့ဘွန်းတစ်ယောက် ထောင်ကထွက်လာတဲ့အခါ သူ့မိသားစုရဲ့သွေးကြေးအတွက် ဘယ်လိုပြန်ကလဲ့စားချေမလဲဆိုတာကို ဒီဇာတ်ကားထဲမှာ ကြည့်ရှုပေးကြပါဦးနော်။

Review By K
Translated By Rainbow Channel Team
Encoded By N.A.S

122 total views , 1 views today