The Age of Shadows (2016)

IMDB Rating: 7.1/10
Language: Korea

ဒီတစ်ခါတင်ဆက်ပေးချင်တဲ့ The Age of Shadows ဆိုတဲ့ဇာတ်ကားလေးကဆုတံဆိပ်ပေါင်းများစွာဆွတ်ခူးရရှိခဲ့တဲ့ သမိုင်းနောက်ခံဇာတ်ကားလေးပဲဖြစ်ပါတယ်။Uncle Samsik ထဲက မင်းသားကြီး Song Kang-Ho၊Goblin မင်းသားဖြစ်တဲ့ Gong Yoo၊IRIS မင်းသားကြီး Lee Byung-Hun အပြင် မင်းသား Um Tae-Goo,Shin Sung-Rok တို့လို ပရိသတ်ကြီးနဲ့ရင်းနှီးပြီးသား မင်းသားတွေကိုမှ Behind Your Touch ထဲကဖင်ကိုင်ကြမ်းတဲ့ မင်းသမီး Han Ji-Min တို့ကပါဝင်အားဖြည့်ထားလို့ တကယ့်ကိုအမိုက်စားမင်းသားမင်းသမီးတွေတစ်ပုံကြီးနဲ့ ကြည့်ရှုရမှာဖြစ်ပါတယ်။

၁၉၂၀ ပြည့်နှစ် ဂျပန်တွေ တောင်ကိုရီးယားကိုသိမ်းပိုက်ပြီးနောက်ပိုင်း အမျိုးသားရေးတက်ကြွသူတွေဟာ ဂျပန်တွေကိုတော်လှန်ဖို့စီစဉ်ခဲ့ကြပါတယ်။ဒီလိုတော်လှန်ကြတဲ့သူတွေထဲမှာ ကင်ဝူဂျင်လည်းအပါအဝင်ပါ။တစ်ဖက်မှာလည်း ဂျပန်ဘက်က တော်လှန်ရေးသမားတွေကိုနှိမ်နှင်းဖို့ ရဲအရာရှိ အီဂျောင်ချူးလ်ကို တာဝန်ပေးခဲ့ပါတယ်။အီဂျောင်ချူးလ်နဲ့ ကင်ဝူဂျင်တို့နှစ်ယောက်က သရုပ်မှန်ဖုံးကွယ်ပြီး ရင်းနှီးချင်ယောင်ဆောင်ခဲ့ကြပေမယ့် မြွေမြွေချင်းခြေမြင်ဆိုသလို သတင်းနှိုက်ဖို့အတွက် ဟန်ဆောင်ဆက်ဆံခဲ့ကြပါတယ်။

ဒီလိုနဲ့တော်လှန်ရေးအဖွဲ့ကနေ သတင်းပေါက်ကြားပြီး တော်လှန်ရေးရဲဘော်တစ်ယောက် အသတ်ခံလိုက်ရချိန်မှာတော့ ကင်ဝူဂျင်တစ်ယောက် သူလျှိုကိုရှာဖွေဖို့နဲ့ ဆိုးလ်မှာဂျပန်တွေကို ဖောက်ခွဲရေးပစ္စည်းတွေနဲ့ တိုက်ခိုက်ဖို့စီစဉ်လာပါတော့တယ်။ဒါပေမဲ့ ဖောက်ခွဲရေးပစ္စည်းတွေသယ်ယူဖို့ အီဂျောင်ချူးလ်ရဲ့အကူအညီကို လိုအပ်လာချိန်မှာတော့ တကယ်ပဲ အကူအညီရပါ့မလား ဒါမှမဟုတ် တော်လှန်ရေးသမားအဖြစ် အဖမ်းခံရမလားဆိုတာ ရင်ခုန်စွာနဲ့စောင့်မျှော်ကြည့်ရှုလိုက်ပါဦးနော်။

IMDB 7.1 အထိရရှိထားတဲ့ဇာတ်ကားကောင်းလေးတစ်ကားလည်းဖြစ်ပါတယ်။

Review and Translated By CL
Encoded By N.A.S