Miracle in Cell No.7 (2013)

ပရိသတ်ကြီးအတွက် ဒီတစ်ခေါက် ဆုများစွာသိမ်းပိုက်နိုင်ခဲ့သလို IMDB 8.1 အထိရထားတဲ့ ဇာတ်ကားကောင်းလေးဖြစ်တဲ့ Miracle in Cell No.7 နဲ့တင်ဆက်ပေးချင်ပါတယ်။တကယ့်ကို မိဘရဲ့ချစ်ခြင်းမေတ္တာကို ဖော်ကြူးထားတဲ့ ဇာတ်ကားလေးဖြစ်လို့ ကြည့်ရှုသူပရိသတ်ကြီးအတွက် ဝမ်းနည်းဖွယ်ခံစားချက်လေးကျန်ရစ်ခဲ့မှာအသေအချာပါပဲ။

ယောင်ဂူးဆိုတဲ့ ဉာဏ်ရည်မပြည့်ဝတဲ့ မသန်စွမ်းတစ်ယောက်ဟာ ရယ်ဆွန်းလို့ခေါ်တဲ့ ကလေးမလေးရဲ့ အဖေပါ။ဉာဏ်ရည်မပြည့်ဝပေမယ့် သမီးဖြစ်သူအပေါ် အရမ်းဂရုစိုက်ချစ်မြတ်နိုးတဲ့ဖခင်တစ်ယောက်ပီသစွာ သမီးရဲ့မွေးနေ့အတွက်လက်ဆောင်ဝယ်ပေးဖို့ကြိုးစားရင်း လူသတ်မှုတစ်ခုမှာတရားခံအဖြစ် မှားယွင်းစွပ်စွဲခံလိုက်ရပါတယ်။ကံဆိုးချင်တော့ သေဆုံးသွားတဲ့ ကလေးမလေးကလည်း ရဲမင်းကြီးရဲ့သမီးဖြစ်နေလေတော့ စုံထောက်တွေကလည်း တရားခံဟုတ်ဟုတ်မဟုတ်ဟုတ် နာမည်ကောင်းရဖို့ ယောင်ဂူးကို တရားခံအဖြစ်သတ်မှတ်လိုက်ပါတော့တယ်။ယောင်ဂူးရဲ့ဉာဏ်ရည်မပြည့်ဝမှုကို အသုံးချပြီး သမီးဖြစ်သူနဲ့ခြိမ်းခြောက်လာတဲ့အတွက် တရားရုံးမှာ လိမ်လည်ထွက်ဆိုခဲ့ရပြီး သေဒဏ်ချမှတ်ခံလိုက်ရပါတယ်။

ဒီလိုမျိုးသေဒဏ်ချမှတ်ခံလိုက်ရတဲ့ ယောင်ဂူးအတွက် ရယ်ဆွန်းအပေါ် ဘယ်လိုမျိုးအဆုံးထိကာကွယ်ပေးသွားမလဲဆိုတာကတော့ ပရိသတ်ကြီးကိုယ်တိုင် ရင်နင့်ဖွယ်ခံစားကြည့်ရှုလိုက်ပါဦးနော်။

Review and Translated By CL
Encoded By N.A.S