Alangu (2024)

IMDb : 9.3/10
GENRE : Action, Thriller, Drama
Language: Tamil

ကိုယ်မြတ်နိုးရတဲ့အရာလေးကို တစ်ဖက်လူက ဖျက်ဆီးပစ်ရင် ဘယ်လိုခံစားရမလဲ။

အသက်တမျှ ချစ်ရတဲ့ သမီးလေး ခွေးကိုက်ခံခဲ့ရတဲ့အတွက် တစ်မြို့လုံးက ခွေးတွေအကုန်လုံးကို အဆိပ်ကျွေးပြီး သတ်ခိုင်းတဲ့ သြဂတ်စတင်း……

ခွေးလေးတစ်ကောင်ကို မတော်တဆ ကောက်ရခဲ့ပြီး ချစ်လွန်းလို့ ခွေးလေးကို အဘွားနာမည်တောင် မှည့်ပေးထားတဲ့ ဒါမာ……..

ဒါမာတို့ သူငယ်ချင်းတစ်စု အလုပ်လုပ်ဖို့ တမီးလ်နာဒူးကနေ သြဂတ်စတင်းတို့ရှိတဲ့ ကီရာလာကို ရောက်လာကြပါတယ်။
တိုက်တိုက်ဆိုင်ဆိုင်ပဲ ဒါမာမြတ်နိုးရတဲ့ ခွေးလေးကို သြဂတ်စတင်းတို့အဖွဲ့က အဆိပ်ကျွေးသတ်ဖို့ ဖမ်းသွားတာကို သိလိုက်ရတဲ့အခါ…..

ဒါမာတစ်ယောက် သူငယ်ချင်းတစ်စုနဲ့အတူ ခွေးလေးကို ကယ်ဖို့ကြိုးစားရင်း ဘာတွေဆက်ဖြစ်မလဲ။ ချစ်ရတဲ့ခွေးလေးကိုရော ကာကွယ်နိုင်ပါ့မလား။

​ဒီဇာတ်ကားထဲမှာတော့ ထူးထူးဆန်းဆန်းပါပဲ မိဘမေတ္တာ၊ ချစ်သူနှစ်ဦးကြားက ချစ်ခြင်းမေတ္တာတွေအစား ခွေးကလေးနဲ့ ဒါမာကြားက သံယောဇဉ်နှောင်ကြိုးခပ်မျှင်မျှင်လေးကိုပဲ ထင်းလင်းနေအောင် ကွက်ကွက်ကွင်းကွင်း လှပ်ပြထားပါတယ်။

အိန္ဒိယတောင်ပိုင်းကားတွေပီပီ ကြမ်းကြမ်းရမ်းရမ်းကိုလည်း ကြည့်ချင်၊ တစ်ချိန်တည်းမှာပဲ အဆွေးဓာတ်ငြိမ့်ငြိမ့်လေးလည်း ခံစားချင်တဲ့ ပရိသတ်တို့အတွက် လက်မလွှတ်တမ်း ကြည့်သင့်တဲ့ ရုပ်ရှင်တစ်ခုဖြစ်ကြောင်း ညွှန်းပါရစေ။

Review And Translated By Htet Shweyi
Encoded By N.A.S