Mark (2025)

IMDB ⭐️ 6.5/10

ဒုစရိုက်သမားတို့ရဲ့သေမင်း သို့ မာ့ခ်

ကဲ… Action ကားကြမ်းကြမ်း ကြိုက်တဲ့ ဘော်ဒါတွေအတွက် ဒီတစ်ခါမှာတော့ ၂၀၂၅ ထွက် အသစ်စက်စက် အိန္ဒိယ Action Thriller ကားကောင်းလေးတစ်ကားနဲ့ မိတ်ဆက်ပေးပါရစေ။

ဒီကားထဲမှာ ခေါင်းဆောင်မင်းသားအဖြစ် ပါဝင်ထားတာကတော့ တခြားသူမဟုတ်ပါဘူး။ ကျွန်တော်တို့ မြန်မာပရိသတ်တွေ ယင်ကောင်ကားထဲက ဗီလိန်မင်းသားကြီးလို့ ရင်းနှီးပြီးသားဖြစ်တဲ့ နာမည်ကြီးမင်းသား Kichcha Sudeep ပဲ ဖြစ်ပါတယ်။ Sudeep ပါပြီဆိုကတည်းက သူ့ရဲ့ Signature ဖြစ်တဲ့ ရှယ်မိုက်တဲ့ စတိုင်လ်အပြည့် aura farming တွေနဲ့ အက်ရှင်ခန်းတွေကို အဝကြိတ်ရတော့မှာပါ။

မင်းသားကြီး Sudeep က ဒီကားမှာ မာ့ခ်ဆိုတဲ့ SP ရဲအရာရှိအဖြစ် ပါဝင်ထားပါတယ်။ အထက်လူကြီးတွေနဲ့ အဆင်မပြေလို့ အလုပ်ကနေ ခေတ္တရပ်နားခံထားရတဲ့အချိန်… အေးအေးဆေးဆေး အနားယူမယ်လုပ်တုန်းရှိသေး ပြဿနာတွေက သူ့ဆီတည့်တည့်ဝင်လာပါတော့တယ်။

တစ်မြို့လုံးမှာ ကလေး (၁၈) ယောက်လောက် ဆက်တိုက် ပြန်ပေးဆွဲခံလိုက်ရပြီး အဲဒီအထဲမှာ မာ့ခ်နဲ့ ရင်းနှီးတဲ့ ကလေးတစ်ယောက်ပါ ပါသွားတဲ့အခါ..

ဒီကိစ္စရဲ့ နောက်ကွယ်မှာ ရက်စက်ကြမ်းကြုတ်တဲ့ မူးယစ်ရာဇာ ဘာဒရာနဲ့ နိုင်ငံရေးအာဏာရဖို့ ကိုယ့်အမေအရင်းကိုတောင် ပြန်သတ်မဲ့ ဝန်ကြီးသား လက်ရှိပြည်ထဲရေးဝန်ကြီး အာဒိကေရှာဗာတို့ ပါဝင်ပတ်သက်နေမှန်း သိလိုက်ရပါတယ်။

၂၄ နာရီ အတွင်းမှာ ပျောက်သွားတဲ့ ကလေးတွေကို အမီကယ်ထုတ်နိုင်မလား… ရဲအရာရှိအဖြစ်ကနေ ရပ်နားခံထားရပေမဲ့ “ငါ့အတွက် ယူနီဖောင်းမရှိလည်း ရဲက ရဲပဲ” ဆိုတဲ့ စိတ်ဓာတ်နဲ့ တရားဥပဒေဘောင်ကျော်ပြီး လူဆိုးတွေကို ဘယ်လိုအပြတ်ရှင်းမလဲဆိုတာ… အက်ရှင်ခပ်ကြမ်းကြမ်းနဲ့ ရှုစားရမဲ့ကားပါ။

Sudeep ရဲ့ တစ်ကိုယ်တော် Show လို့ ပြောလို့ရလောက်အောင် မင်းသားရဲ့ Swag တွေ၊ အက်ရှင်ခန်းတွေကို အသားပေးရိုက်ကူးထားပါတယ်။ ဇာတ်လမ်းကလည်း အချိန်တိုအတွင်းမှာ ဖြစ်ပျက်တဲ့ပုံစံမို့ ပျင်းချိန်မရဘဲ တောက်လျှောက်ဆွဲခေါ်သွားမယ့် Thriller ကားကောင်းတစ်ကားပါ။

Genre ….. Action, Thriller
Quality ….. 720P / 1080P WEB-DL (HEVC)
File Size ….. 1.42GB / 3.21GB
Review ….. Venus
Translator ….. RMC Team
Encoder ….. N.A.S

Rainbow Channel