Mikael Pemburu Dua Alam (2026)
=========================

ကျိန်စာသင့်မြို့နှင့် ဂျင်မုဆိုး

IMDb ⭐️ 7.0/10

ဒီဇာတ်လမ်းလေးကတော့ လူသားတွေနဲ့ မမြင်ရတဲ့ နာမ်လောကသား ဂျင်နတ်ဆိုးတွေကြားက ပဋိပက္ခကို အခြေခံထားတဲ့ သဘာဝလွန် မှုခင်းစုံထောက်အမျိုးအစားဖြစ်ပါတယ်။

ရှေးယခင်ကတည်းက လူသားတွေနဲ့ ဂျင်န်တွေကြားမှာ အာဏာလုမှုတွေကြောင့် ပဋိပက္ခတွေ ရှိခဲ့ပြီး လူသားတွေဘက်ကနေ ကာကွယ်ပေးဖို့ “မုဆိုး” လို့ခေါ်တဲ့ အထူးစွမ်းရည်ရှိသူတွေ ရှိနေပါတယ်။

ကွာလာဂါဘန်းဆိုတဲ့ မြို့ငယ်လေးမှာ မင်္ဂလာဆောင်ပွဲတစ်ခုအတွင်း လူ (၂၅) ယောက် အခုတ်ခံရပြီး သေဆုံးတဲ့ ထိတ်လန့်ဖွယ်လူသတ်မှုကြီး ဖြစ်ပွားခဲ့ပါတယ်။ ဒါ့အပြင် လူတွေရုတ်တရက် စိတ်ဖောက်ပြန်ပြီး တစ်ယောက်နဲ့တစ်ယောက် သတ်ဖြတ်ကြတဲ့ ထူးဆန်းတဲ့ဖြစ်ရပ်တွေ ၃ ရက်ဆက်တိုက် ဖြစ်လာပါတယ်။

ဒီအမှုကို စုံစမ်းဖို့ ဌာနချုပ်ကနေ အထူးစွမ်းရည်ရှိတဲ့ ရဲအုပ် မီကယ်ကို တာဝန်ပေးလိုက်ပါတယ်။ မြို့လေးမှာ အမျိုးသမီးရဲအုပ် ဆာမာ.. ရဲတပ်ကြပ်ကော့ခ်နဲ့ ဒေသခံဆရာဝန် ဇာအစ်တို့ကလည်း ဒီအမှုကို ကိုင်တွယ်နေကြပါတယ်။ ရုပ်အလောင်းတွေ ရုတ်တရက် အသက်ပြန်ရှင်လာတာ၊ ရှေးဟောင်းမန္တန်တွေနဲ့ ဂျင်ကို ပင့်ခေါ်ထားတာစတဲ့ ကျောချမ်းဖွယ် သဘာဝလွန်ဖြစ်ရပ်တွေကို သူတို့ ဆက်တိုက် ကြုံတွေ့လာရပါတော့တယ်။

ဒီထူးဆန်းတဲ့ အစုလိုက်အပြုံလိုက် လူသတ်မှုတွေက မြို့ခံတွေထင်နေသလို တကယ်ပဲ ကျိန်စာသင့်နေတာလား?? ဒါမှမဟုတ် မြို့လေးမှာလုပ်မယ့် ဖွံ့ဖြိုးရေးစီမံကိန်းကြီးနဲ့များ ဆက်စပ်နေသလား ဆိုတာတွေကို “မုဆိုး” လည်းဖြစ် ရဲအုပ်လည်းဖြစ်တဲ့ မီကယ်တစ်ယောက် ဘယ်လို ရင်ဆိုင်ဖြေရှင်းသွားမှာလဲ။

ဇာတ်လမ်းကတော့ အစကတည်းက ယဉ်သကိုဆိုသလို ဂျင်တွေထွက်လာတတ်တာကြောင့် မိုအေးအေးနဲ့စောင်ခြုံထဲကွေးပြီး ရင်ခုန်ဖို့အတွက် ကွက်တိပါပဲဗျာ။

Genre ….. Action, Comedy, Fantasy, Horror, Thriller
Quality ….. 720P / 1080P WEB-DL (HEVC)
File Size ….. 947.64MB / 1.79GB
Review ….. LL
Translator ….. RMC Team
Encoder ….. Ray

Rainbow Channel