The Pig, the Snake and the Pigeon (2023)

ဒီကားလေးကတော့ ၂၀၂၃ ခုနှစ်ထွက် ထိုင်ဝမ် black comedy, action thriller ကားလေးပဲဖြစ်ပါတယ်။ ဟောင်ကောင်ဒါရိုက်တာ Wong Ching-po ရိုက်ကူးထားပြီး Ethan Juan၊ Ben Yuen၊ Chen Yi-wen၊ Gingle Wang၊ Lee Lee-zen နဲ့ Cherry Hsieh တို့ အဓိကပါဝင်သရုပ်ဆောင်ထားတဲ့အပြင် IMDb 7.5 အထိတောင် ရရှိထားပါတယ်။

“စာအုပ်တစ်အုပ်ကို အဖုံးကြည့်ပြီးမဆုံးဖြတ်နဲ့” ဆိုတဲ့အတိုင်းပါပဲ။ လူတစ်ယောက်ရဲ့ အပေါ်ယံကိုကြည့်ရုံနဲ့ အတွင်းစိတ်ဘယ်လိုဆိုပြီး ခန့်မှန်းလိုက်ရင် တက်တက်စင်အောင် လွဲသွားမှာပါ။ ဒီကားလေးကလည်း အဲဒီလိုပဲ လူ့သဘော၊ လူ့မနောကို အက်ရှင်ခန်းကောင်းကောင်းနဲ့ ရိုက်ပြထားတာပဲ ဖြစ်ပါတယ်။

Chen Kui-lin ဆိုတဲ့ မြေအောက်ဒုစရိုက်လောကက နာမည်ကြီးကြေးစားလေးတစ်ယောက်ဟာ ပစ်ခတ်သတ်ဖြတ်မှုတစ်ခုကြောင့် ဝရမ်းပြေးအဖြစ် ထွက်ပြေးတိမ်းရှောင်ရင်း သူ့မှာ သေလုမျောပါး ရောဂါတစ်ခုရှိနေကြောင်း သိလိုက်ရတဲ့အခါ… တခြားလူတွေနဲ့မတူဘဲ သူ့ဆန္ဒကတော့ သူသေပြီးရင်တောင် သူ့ကိုလူတွေ မှတ်မိနေစေချင်တာပါတဲ့။ လူဆိုးလူမိုက်တစ်ယောက်ဆိုပေမဲ့ အပြစ်မဲ့သူတွေကို လိုက်ဒုက္ခပေးနေတဲ့လူမျိုးမဟုတ်တဲ့ Chen Kui-lin တစ်ယောက် သူ့ဆန္ဒကို ဘယ်လိုအကောင်အထည်ဖော်မလဲဆိုတာကို အက်ရှင်ခန်းတွေ၊ လူ့သဘောသဘာဝ ရိုက်ကွက်တွေနဲ့ ဟာခနဲ ဟင်ခနဲဖြစ်သွားစေမဲ့ အလှည့်အပြောင်း မြှုပ်ကွက်တွေနဲ့အတူ ကြည့်ရှုလိုက်ရအောင်လားခင်ဗျာ…

Translated and Review By H
Encoded By N.A.S