“ရန်သူ့နယ်မြေထဲမှာ ခြေတစ်လှမ်းမှားတာနဲ့ အသက်ပါမကျန် စတေးခံရမယ့် အခြေအနေ…”

Spy Thriller ကားကောင်းကောင်း မျှော်နေတဲ့ ဘော်ဒါတွေအတွက် ဇာတ်အိမ်ခိုင်ခိုင်နဲ့ အိန္ဒိယ သူလျှိုကားသစ်ကြီး ထွက်ရှိလာပါပြီ။

ဒီဇာတ်ကားလေးကတော့ 2022 ခုနှစ်က ထွက်ရှိခဲ့တဲ့ web series ကို Movie အနေနဲ့ ပြန်လည်အသက်သွင်းထားတာဖြစ်ပြီး ဇာတ်လမ်းတွဲထဲက ဝါရင့် သရုပ်ဆောင်ကြီးတွေဖြစ်တဲ့ Prakash Raj နဲ့ Adil Hussain တို့ရဲ့ အားပြိုင်မှုတွေအပြင် ခေါင်းဆောင်မင်းသား Zain Khan Durrani ရဲ့ ပီပြင်တဲ့ သရုပ်ဆောင်ချက်တွေကို ရှုစားရမယ့် ကားပါ။

ဇာတ်လမ်းကတော့ အိန္ဒိယ နဲ့ ပါကစ္စတန် ကြားက စစ်ရေးတင်းမာမှုတွေ အမြင့်ဆုံးရောက်နေတဲ့ အချိန်ကနေ စတင်ထားပါတယ်။

ပါကစ္စတန်ဘက်က အိန္ဒိယကို အကြီးအကျယ် တိုက်ခိုက်ဖို့ လျှို့ဝှက်ကြံစည်နေတဲ့ အချိန်… ဒီသတင်းကို ကြိုတင်သိရှိပြီး တိုင်းပြည်ကို ကယ်တင်ဖို့အတွက် အိန္ဒိယဘက်က “Mukhbir” (သတင်းပေး/သူလျှို) တစ်ယောက်ကို ပါကစ္စတန်မြေပေါ်ကို စေလွှတ်ဖို့ တာဝန်ကျလာပါတော့တယ်။

သာမန်သူလျှိုကားတွေလို သေနတ်တွေပစ်၊ ဗုံးတွေခွဲပြီး ဇွတ်ကြမ်းနေတာမျိုး မဟုတ်ဘဲ၊ ရန်သူ့နယ်မြေထဲမှာ ဘယ်သူ့ကိုမှ ယုံလို့မရဘဲ သတင်းရယူရတဲ့ သူလျှိုတစ်ယောက်ရဲ့ စိတ်ဖိစီးမှုတွေ၊ ဉာဏ်ကစားရမှုတွေကို လက်တွေ့ကျကျ ရိုက်ပြထားတာပါ။

သူလျှိုတစ်ယောက်အနေနဲ့ ပါကစ္စတန်ကို ရောက်သွားတဲ့အခါ… သူ့ရဲ့ ဟန်ဆောင်မှုတွေက ဘယ်လောက်ထိ ခရီးရောက်မလဲ။ ဘယ်အချိန်မှာ လူမိသွားနိုင်မလဲ။ တိုင်းပြည်ကို ကယ်တင်ဖို့ဆိုတဲ့ မစ်ရှင်ကြီးကိုရော သူအောင်မြင်အောင် လုပ်နိုင်ပါ့မလားဆိုတာကို ရင်ဖိုစိတ်လှုပ်ရှားစွာနဲ့ စောင့်ကြည့်ရမှာပါ။

Action ထက် ဉာဏ်ကစားတဲ့ Spy Drama တွေကို သဘောကျတယ်၊ ဇာတ်ကွက် အလှည့်အပြောင်းတွေနဲ့ သွေးအေးအေး ဖြေရှင်းရတဲ့ Thriller ကားကောင်းကို ရှာနေတယ်ဆိုရင်တော့ ၂ နာရီခွဲစာ အချိန်ပေးရကျိုးနပ်မဲ့ ဒီဇာတ်ကားကို အခုပဲ ဒေါင်းကြည့်ဖို့ တိုက်တွန်းလိုက်ပါရစေ။

Genre ….. Drama, Mystery, Thriller
Quality ….. 720P / 1080P WEB-DL (HEVC)
File Size ….. 1.27GB / 2.2GB
Review ….. Venus
Translator ….. RMC Team
Encoder ….. Ray

Rainbow Channel