Evil Dead Burn (2026)
===================

IMDB ⭐️ 6.6/10

“နတ်ဆိုးဆိုတာ ငရဲကလာတာမဟုတ်ဘူး… ကိုယ့်အနားက မိသားစုဝင်တွေထဲမှာပဲ ပုန်းအောင်းနေတတ်တာ”

ဟော်ရာပရိသတ်တွေအတွက် သွေးသံရဲရဲနဲ့ အသည်းယားစရာ Evil Dead franchise ရဲ့ ကားသစ်ကြီး “Evil Dead Burn” ရောက်ရှိလိုလာပါပြီ။

Evil Dead လို ကြားလိုက်တာနဲ့ သွေးတွေ ဖွာလန်ကြဲနေအောင် ကြမ်းတဲ့ Splatter Horror ဆိုတာ အားလုံးသိပြီးသား ဖြစ်မှာပါ။ ရှေ့ကားတွေဖြစ်တဲ့ 2013 က Evil Dead ရော၊ ပြီးခဲ့တဲ့ 2023 က ထွက်ခဲ့တဲ့ Evil Dead Rise မှာပါ Deadite တွေရဲ့ ရက်စက်ကြမ်းကြုတ်မှုတွေ၊ လူကို ပက်ပက်စက်စက် နှိပ်စက်တဲ့ အခန်းတွေကို အားရပါးရ မြင်တွေ့ခဲ့ရမှာပါ။ အထူးသဖြင့် Rise မှာ တိုက်ခန်းကျဉ်းလေးထဲက မိသားစုဝင်တွေကြား အပြန်အလှန် ခြောက်လှန့်သတ်ဖြတ်သွားတာ တော်တော်လေး ကျောချမ်းစရာပါ။

အခု ထွက်လာတဲ့ အဆက် ဇာတ်ကားသစ်မှာတော့ ဟော်ရာပရိသတ်တွေရဲ့ အချစ်တော် Scream Queen မင်းသမီးချောလေး Samara Weaving နဲ့ ရှေ့ကားမှာ အသက်ရှင်ကျန်ရစ်ခဲ့တဲ့ Lily Sullivan တို အဓိက ပါဝင်အားဖြည့်ထားလို သရုပ်ဆောင်ပိုင်းကတော့ အထူးပြောနေစရာမလိုအောင် ရှယ်ကြမ်းမှာ အသေအချာပါပဲ။

ဇာတ်လမ်းအကျဉ်းကတော့…
ကျိန်စာသင့် စာအုပ် (Necronomicon) ရဲ့ အကျိုးဆက်တွေက ပြီးဆုံးမသွားသေးပါဘူး။ ဒီတစ်ခါမှာတော့ ဝေးလံခေါင်သီတဲ့ နေရာတစ်ခုမှာ အခြေတည်ထားပါတယ်။ အတိတ်က စိတ်ဒဏ်ရာတွေနဲ့ မိသားစု ပြဿနာတွေကြောင့် အဆင်မပြေဖြစ်နေတဲ့ ညီအစ်မနှစ်ယောက်ဟာ တစ်နေရာမှာ လာရောက်ဆုံတွေ့ရင်း မထင်မှတ်ဘဲ အဲဒီ ကျိန်စာသင့် ရှေးဟောင်းစာအုပ်နဲ့ ထပ်မံပတ်သက်မိရာကနေ ငြိမ်သက်နေတဲ့ နတ်ဆိုးကို ပြန်နှိးလိုက်သလို ဖြစ်သွားပါတော့တယ်။

“လူတစ်ယောက်ရဲ့ အနက်ရှိုင်းဆုံး အကြောက်တရားကို အစာလုပ်စားတဲ့” ဒီနတ်ဆိုးက သူတိုညီအစ်မနှစ်ယောက်ကြားက အထင်လွဲမှုတွေ၊ နာကြည်းချက်တွေကို အသုံးချပြီး တစ်ယောက်ကိုတစ်ယောက် ပြန်သတ်အောင် ဘယ်လိုသွေးထိုးမလဲ…

အရင်ကားတွေထက် ပိုကြမ်းတဲ့ Body Horror တွေနဲ့အတူ သွေးတွေ တစ်စက်စက် ကျနေတဲ့ကြားက သူတိုညီအစ်မနှစ်ယောက် အသက်ရှင်လျက် လွတ်မြောက်နိုင်ပါ့မလား… နတ်ဆိုးရဲ့ လှည့်ကွက်တွေကိုရော ဘယ်လို ရင်ဆိုင်မလဲဆိုတာ ရင်တမမနဲ့ ကြည့်ရှုရမှာပါ။

Jump Scare တွေနဲ့ သွေးထွက်သံယို အကြမ်းစားတွေကိုမှ ခုံမင်တဲ့ Horror Fan တွေ လုံးဝ (လုံးဝ) လက်မလွတ်သင့်တဲ့ ဇာတ်ကားကောင်းတစ်ကားဖြစ်လိုခုပဲ ကြည့်ရှုခံစားလိုက်ကြပါဦးဗျာ။

Genre ….. Horror
Quality ….. 720P / 1080P 4K WEB-DL AAC 5.1 (HEVC)
File Size ….. 924.02MB / 2.05GB / 3.26GB
Review ….. Venus
Translator ….. RMC Team
Encoder ….. Ray

Rainbow Channel