Mr. Plankton (2024)

ပရိသတ်ကြီးအတွက် ပေါ့ပေါ့ပါးပါးနဲ့ ရယ်စရာဟာသလေးတွေကို ကြည့်ရှုခံစားနိုင်မယ့် Netflix ကနေထုတ်လွှင့်ပေးလိုက်တဲ့ Mr. Plankton ဆိုတဲ့ ဇာတ်ကားသစ်လေးနဲ့မိတ်ဆက်ပေးချင်ပါတယ်။

Her Private Life,Link: Eat, Love, Kill တို့လို နာမည်ကြီးဇာတ်လမ်းဖန်တီးရှင်၊It’s Okay to Not Be Okay ရဲ့ဇာတ်ညွှန်းဆရာတို့ပူးပေါင်းဖန်တီးထားတဲ့ ဒီဇာတ်လမ်းလေးထဲမှာ The King: Eternal Monarch ထဲက သက်တော်စောင့်မင်းသားချောလေး Woo Do-Hwan၊Strong Girl Nam-Soon ထဲက ချစ်စရာမျက်နှာထားလေးနဲ့ မင်းသမီး Lee Yoo-Mi တို့ကခေါင်းဆောင်ပါဝင်ထားပါတယ်။

Hae Jo ဆိုတဲ့လူငယ်လေးတစ်ယောက်က အဖေရင်းဘယ်သူမှန်းမသိရဘဲ မွေးဖွားလာတဲ့သူတစ်ယောက်ပါ။အဲဒါကြောင့်ပဲ လူအများရဲ့ဖယ်ကြဉ်ခြင်းကိုခံရပြီး ချစ်ခြင်းမေတ္တာတရားကိုငတ်မွတ်နေတဲ့သူပါ။တစ်နေ့မှာတော့ မမျှော်လင့်တဲ့သတင်းတစ်ခုကြားခဲ့ရပြီး သူ့အဖေရင်းကိုရှာဖွေဖို့ဆုံးဖြတ်လိုက်ပါတယ်။Jae-Mi ဆိုတဲ့မိန်းကလေးကတော့ မိသားစုတစ်ခုကိုပိုင်ဆိုင်ချင်တဲ့သူတစ်ယောက်ပါ။သူဟာလုပ်ငန်းစုကြီးတစ်ခုရဲ့ အမွေဆက်ခံသူနဲ့လက်ထပ်ဖို့စီစဉ်ထားပြီး မင်္ဂလာပွဲမတိုင်ခင်ပျောက်ဆုံးသွားပါတယ်။ပျောက်ဆုံးသွားရတဲ့အကြောင်းကတော့ Hae Jo နဲ့အတူတူ ရှာပုံတော်ခရီးစဉ်မှာလိုက်ပါသွားတာကြောင့်ပါ။

ဒီလိုမျိုးလူငယ်လေးနှစ်ယောက် အမှတ်မထင်တွေ့ဆုံမှုကနေ ရှာပုံတော်ခရီးစဉ်အတွင်း ဘယ်လိုအလွဲလေးတွေနဲ့ အချစ်ဇာတ်လမ်းလေးတွေပေါ်ပေါက်လာမလဲဆိုတာကတော့ ဆက်လက်စောင့်မျှော်ကြည့်ရှုပေးကြပါဦးနော်။စုစုပေါင်း ၁၀ ပိုင်းထွက်ရှိလာမှာဖြစ်ပါတယ်။

Review By CL
Translated By CL, Choco, Thu Thu, YOON
Encoded By N.A.S