A.R.M (2024)

ဒီတစ်ခါတော့ india movie ကိုမှ adventure ဆန်ဆန်လေးရိုက်ကူးထားတဲ့ ARM ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဒီကားလေးရဲ့ ထူးခြားချက်ကတော့ 1900 ခုနှစ်၊1950 ခုနှစ်နဲ့ 1990 ခုနှစ် မျိုးဆက်သုံးဆက်အကြောင်းကို စိတ်ဝင်စားစရာ နောက်ခံဇာတ်လမ်းဆန်းဆန်းလေးနဲ့ ရိုက်ကူးထားတာပါ။

ဒီဇာတ်လမ်းတွေရဲ့အစကတော့ မီးခွက်တစ်ခုကနေ စတင်ခဲ့တာပါပဲ ။ ဟာရီပူရမ်မှာ‌ နေတဲ့သူတွေကြားမှာ ဒီမီးခွက်နဲ့ ပက်သတ်ပြီးတော့ သူရဲကောင်းပုံပြင်နဲ့ သူခိုးပုံပြင်ဆိုပြီး နာမည်ကြီး ဇာတ်လမ်းနှစ်ခု‌ ပြောစမတ်ပြုတတ်ကြပါတယ်။ သူတို့အတွက် ဘုရင့်နန်း ဆောင်မှာ သိမ်းထားတဲ့ ဒီအစွမ်းကြီးမီးခွက်ကို လူတွေအကုန်လုံး ဖူး‌မြှော်နိုင်ဖို့အတွက် ဟာရီပူရမ်ကို ပြန်သယ်လာပေးခဲ့တဲ့ သူရဲကောင်းကိုတော့ အမြဲတမ်းချီးမွှန်းကြပြီး သူ့ရဲ့ မျိုးဆက်ကလည်း မြို့နယ်မှာ မျက်နှာပန်းရနေကျပါပဲ…

သူတို့တွေအတွက် စကားထဲတောင်ထည့်မပြောချင်လောက်အောင် ရွံရှာပြီးမုန်းတီးနေတဲ့သူကတော့ မဏိယန် လို့ခေါ်တဲ့ သူခိုးဝိဇ္ဇာကြီး တစ်ယောက်အ‌ကြောင်းပါ၊ သူက ဘယ်လောက်ပဲ ပစ္စည်းတွေကိုခိုးခိုး သူ့ကိုဘယ်သူကမှဖမ်းလို့ မမိနိုင်တဲ့အထိကို တော်လွန်းတာကြောင့် လူတွေကလည်းသူ့ကို မုန်းတီးပြီး သူ့ရဲ့မျိုးဆက်ကိုလည်း သူခိုးမျိုးဆက်အဖြစ် သတ်မှတ်ထားကြတာပါ၊ မဏိယန်က သူခိုးတစ်ယောက်ဖြစ်ပေမယ့် မြေးဖြစ်သူ အာဂျာရန် ကတော့ ရိုးရိုးသားသားနဲ့ အသက်မွေးဝမ်းကြောင်းပြုနေတဲ့သူပါ၊ ဒါပေမယ့်လည်း ရွာထဲမှာပစ္စည်းပျောက်တိုင်း သူ့ကိုပဲစွပ်စွဲကြပါတယ် ၊တစ်နေ့တော့ တစ်ရွာလုံးတန်ဖိုးထားရတဲ့ ဗိမာန်က မီးခွက်ပျောက်သွားတာကြောင့် သူ့နာမည်ခံပြီး ခိုးမှုတွေကိုကျူးလွန်နေတဲ့ သူခိုးကို သူကိုယ်တိုင် ဘယ်လိုတွေရှာဖွေဖော်ထုတ်သွားမလဲ လူတွေကကော သူ့ဘက်က ယုံကြည်ပါ့မလားဆိုတာကို စိတ်ဝင်တစားနဲ့ ကြည့်ရှုရမယ့် ဇာတ်ကားကောင်းလေးပါပဲ။

Review By YOON
Translated By YOON, Mojin
Encoded By N.A.S