အမှန်တရားဘက်တော်သား ဘာမထီဘာဟုဗလီ

ဘောလိဝုလောကရဲ့ ဝက်ဝက်ကွဲအောင်မြင်ခဲ့တဲ့ ဇာတ်လမ်းတွေထဲကတစ်ခုဖြစ်တဲ့ ဘာဟုဗလီဇာတ်ကား ထွက်ရှိခဲ့တာ ၁၀ နှစ်ပြည့် အထိမ်းအမှတ်အနေနဲ့ 255 မိနစ် runtime ရှိတဲ့ အခုဇာတ်ကားကို တင်ဆက်ပေးလိုက်ပါပြီ

ဒီဇာတ်ကားကတော့ ဘာဟုဗလီ ၁ နဲ့ ၂ ကိုပေါင်းပြီးတော့ single version အနေနဲ့ ပြန်ထုတ်ပေးထားတာဖြစ်ပြီး ယခင် ၁ နဲ့ ၂ ထက်ပိုကောင်းအောင် အဘက်ဘက်က ပြင်ဆင်ထားတဲ့အပြင် ယခင်ဗားရှင်းတွေမှာ မပါလိုက်တဲ့ cut scene တချို့ ပြန်ထည့်ပေးထားတာဖြစ်ပါတယ်။

ဘောလိဝုဒ်ဇာတ်ကားတွေထဲမှာ runtime အရှည်ဆုံး ဇာတ်ကားတွေထဲကတစ်ကားဖြစ်လာမဲ့ ဒီဇာတ်ကားလေးကို ဘာဟုဗလီဇာတ်ကား ၁၀ နှစ်ပြည့်အနေနဲ့ အောက်မေ့သတိရရင်းနဲ့ပဲ တစ်ဖန်ပြန်လည်ပြီး စပယ်ရှယ်ဗားရှင်းသစ်လေးနဲ့ ခံစားလိုက်ကြပါဦးစို့။

ဘာဟုနဲ့ဘလာဆိုတဲ့ ညီနောင်နှစ်ယောက်ဟာ ရှီဗာဂါမီဒေဝီရဲ့သားတော်နှစ်ပါး

ရဲစွမ်းသတ္တိက သူမတူတဲ့အတွက် တိုင်းပြည်ရဲ့ အားကိုးအားထားရတဲ့ ပြည့်မဏ္ဍိုင်တွေဆိုလည်းမမှားပါဘူး

ဒါပေမဲ့ တောင်တစ်တောင်မှာ ကျားတစ်ကောင်ပဲ ကြီးစိုးရသလိုပဲ တိုင်းပြည်တစ်ပြည်ကိုလည်း ပြည့်ရှင်မင်းတစ်ပါးတည်းကသာ အုပ်ချုပ်လို့ရတာဖြစ်တဲ့အတွက် ထီးမွေနန်းမွေ ရွေးချယ်ရမဲ့အချိန် ရောက်လာချိန်မှာတော့ ညီအစ်ကိုတွေကြားမှာ အာဏာလောဘနဲ့ ပတ်သက်တဲ့စိတ်တွေပေါ်လာတော့တာပေါ့။

ဒီချိန်မှာ လက်ရုံးရည်ရော နှလုံးရည်ပါပြည့်စုံပြီး မေတ္တာနဲ့အုပ်ချုပ်တတ်တဲ့ ဘာဟုဗလီက ပြည်သူတွေရဲ့လေးစားအားကိုးမှုကို ပိုခံရတဲ့အတွက် ဘလာက မကျေနပ်တော့ဘဲ အကောက်ကြံဖို့လုပ်ပါတော့တယ်.

လူရင်းကထိုးတဲ့ဓားက အနက်ဆုံးဆိုတဲ့အတိုင်းပဲ အာမာရန်ဒရာဘာဟုဗလီတစ်ယောက် မိတ်ဆွေရဲ့ဓားချက်နဲ့အသက်ပျောက်ခဲ့ရပေမဲ့ သူ့ရဲ့သားငယ်လေး မာဟင်ဒရာဘာဟုဗလီကတော့ မယ်တော်ကြီး ရှီဗာဂါမီရဲ့စတေးမှုနဲ့လွတ်မြောက်ပြီး တောရွာလေးက မိခင်တစ်ယောက်ဆီမှာ မွေးစားခံလိုက်ရတာပေါ့။

၂၅ နှစ်ဆိုတဲ့ကာလကို ကျော်ဖြတ်အပြီးမှာ အဖေသွေးအပြည့်ပါတဲ့ ဘာဟုဗလီတစ်ယောက် ထက်မြက်ရဲရင့်တဲ့စစ်သည်အဖြစ် ကြီးပြင်းလာပြီး သူ့ရဲ့ တော်ဝင်သွေးဇစ်မြစ်အကြောင်းကို သိရှိလိုက်ရချိန်မှာတော့…

Genre ….. Action, Drama
Quality ….. 720P / 1080P WEB-DL (HEVC)
File Size ….. 2.36GB / 4.44GB
Review ….. Venus
Translator ….. Venus, Light
Encoder ….. N.A.S

Rainbow Channel