Balota (2024)

IMDb : 7.2/10
GENRE : Satire, Thriller, Drama
Language: Fillipino

တရားမျှတမှုဆီ သွားရတဲ့လမ်းဟာ ဆူးညောင့်ခလုတ်ပေါင်း ထောင်သောင်းချီရှိမှာပါပဲ။ ငွေရှိရင် အာဏာရှိတယ်ဆိုတဲ့ ခေတ်ကြီးမှာ စက်ရုံပိုင်ရှင် သူ​ဋ္ဌေးမကြီးတစ်ဦးက မြို့တော်ဝန်ဖြစ်ဖို့ ရွေးကောက်ပွဲဝင်ပြိုင်တဲ့အခါ……

ဒီတစ်ခါမှာတော့ RMC ပရိသတ်ကြီးအတွက် ဖိလစ်ပိုင်နိုင်ငံရေးကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းလေးကတော့ ၂၀၀၇ ဖိလစ်ပိုင်ရွေးကောက်ပွဲကို အခြေတည်ထားတာပါ။ ကျောင်းဆရာမလေးတစ်ဦးဖြစ်တဲ့ အမ်မီဟာ သူ့ယောက်ျားဖြစ်သူအပါအဝင် စက်ရုံလုပ်သား ၁၂ ယောက် ဘုမသိ ဘမသိ အသတ်ခံလိုက်ရတဲ့အတွက် တရားမျှတမှုကို ​ပြန်လည်ရှာဖွေနေသူပါ။ ဒါပေမယ့် မထင်မှတ်ပဲ သူ့ယောက်ျား သေဆုံးမှုမှာ အဓိက သံသယရှိသူ သူဋ္ဌေးမကြီး ဟိုင်ဒယ်လ်ဂို က မြို့တော်ဝန်အဖြစ် ဝင်ရောက်ယှဉ်ပြိုင်မယ့်အကြောင်း ကြားလိုက်ရတဲ့အခါ လူသတ်သမားက မြို့တော်ဝန်ဖြစ်မလာရေး ဘယ်လိုတားကြမလဲ…..

အရင်းရှင်လူတန်းစားနဲ့ သာမန်လူတန်းစားတို့အကြား အားပြိုင်မှုတွေ…..အာဏာရှင်တွေက ရဲတွေကိုပါ လာဘ်ထိုးပြီး အမ်မီတို့အသိုက်အဝန်းလေးကို ဖျက်ဆီးခိုင်းတဲ့အခါ…….. သူတို့တောင့်တခဲ့တဲ့ တကယ့်တရားမျှတမှုရော ပြန်ရပါ့မလား…… ဆင်နဲ့ ဆိတ်လောက်ကွာခြားနေတဲ့ အာဏာရှင်နဲ့ ပစ္စည်းမဲ့လူတန်းစားတို့ နှစ်ရပ်ကြား အမ်မီတို့လိုချင်တဲ့ တရားမျှတမှု ကိုရော ပြန်ပြီး အရယူနိုင်ပါ့မလားဆိုတာကို စုတ်တသပ်သပ်နဲ့ စိတ်ဝင်တစားကြည့်ရှုရမယ့်ဇာတ်ကားကောင်းလေးပဲဖြစ်ပါတယ်။

Review By Htet Shweyi
Translated By Liz, ATHET, HTET Shweyi
Encoded By N.A.S

Rainbow Channel