Bomb (2025) Tamil

ထိန်းသိမ်းရခက်သလို ပြိုကွဲသွားရင်လည်း ပြန်တည်ဆောက်ရခက်တဲ့ထဲမှာ စည်းလုံးညီညွတ်မှုလည်းပါမယ်ထင်ပါတယ်။ ကျေးလက်နောက်ခံ တမီလ်စကားပြောရုပ်ရှင်သစ်တစ်ကားဖြစ်တဲ့ “Bomb” မှာလည်း အဲဒီအချက်ကို မြင်သာအောင် ရိုက်ကူးပြသထားပါတယ်။

တစ်ခါတုန်းက ကာလာကမ်မိုင်ပတီဆိုတဲ့ရွာကြီးဟာ အေးချမ်းသာယာပြီး ရွာသားတွေဟာလည်း အရမ်းစည်းလုံးညီညွတ်ကြပါတယ်။

တစ်နေ့မှာတော့ သူတိုကိုးကွယ်တဲ့တောင်ကြီးပေါ်က ကျောက်တုံးကြီးတစ်တုံး မိုးရေကြောင့် လိမ့်ဆင်းလာပြီး နှစ်ခြမ်းကွဲရာကစလို လူတွေပါ အယူဝါဒတွေကွဲပြားပြီး ရွာလည်းနှစ်ခြမ်းကွဲခဲ့ရပါတယ်။

ကာလာကမ်မိုင်ပတီဟာ ကမ်မိုင်ပတီနဲ့ ကာလာပတီဆိုပြီး နှစ်ရွာကွဲသွားခဲ့ပါတယ်။ နှစ်ဖက်ရွာသားတွေဟာလည်း မျိုးရိုးစဉ်ဆက်မတည့်ကြဘဲ ကလေးချင်းပါပေါင်းသင်းလိုမရတဲ့အထိ စည်းလုံးမှုပြိုကွဲသွားခဲ့တာပါ။

တစ်နေ့တော့ အဲဒီရွာပါ၀င်တဲ့ခရိုင်ကိုအုပ်ချုပ်တဲ့ ခရိုင်မှူးအမျိုးသမီးဟာ ရွာရဲ့အဖြစ်ကို စိတ်၀င်စားပြီး ရွာနှစ်ရွာကို ပြန်စည်းလုံးအောင်လုပ်ပေးဖို ကြိုးစားလာပါတယ်။ တစ်ဖက်မှာလည်း ရွာနှစ်ရွာရဲ့မညီညွတ်မှုကို အခွင့်ကောင်းယူချင်တဲ့ လူတစ်စုကလည်း ရှိနေပြန်ပါတယ်။

ဒီလိုနဲ့ ရွာနှစ်ရွာကို စည်းလုံးအောင်ကြိုးစားကြမဲ့သူတွေကတစ်ဖက်၊ ရွာနှစ်ရွာမတည့်တာကို အခွင့်ကောင်းယူ ကိုယ်ကျိုးရှာမဲ့သူတွေကတစ်ဖက်နဲ့… အဲဒီရွာနှစ်ရွာကြားမှာ ဘယ်လိုတွေအမှုဆက်ပွေမလဲဆိုတာကို ဟာသရောဒရာမာပါနှောပြီး ကြည့်ရှုကြရမှာ ဖြစ်ပါတယ်။

Genre ….. Comedy, Drama, Romance
Quality ….. 720P / 1080P WEB-DL 5.1 (HEVC)
File Size ….. 911.03MB / 1.71GB
Review ….. Scarlett
Translator ….. Scarlett, Nyein Su
Encoder ….. N.A.S

Rainbow Channel