Fall 2: Deadpoint (2026)
====================

IMDB ⭐️ 5.6/10

လူမရှိတဲ့ တာဝါတိုင်ပေါ်တက်ပြီး ကြည့်နေတဲ့သူတွေကိုပါ ရင်တထိတ်ထိတ်ဖြစ်အောင် ဒုက္ခပေးခဲ့တဲ့ Fall 1 ကို မှတ်မိကြသေးလားဗျ.. အခု Fall 2 လို့ နာမည်ရတဲ့ ဒီဇာတ်ကားမှာလည်း Fall girl ရဲ့ညီမဖြစ်သူ ဂနာမငြိမ်အမာစိန်က ထိုင်းနိုင်ငံမှာ အန္တရာယ်အများကြီး တောင်တက်လမ်းပေါ်ကနေ ကြည့်ရှူသူ ပရိသတ်အပေါင်းကို စိတ်ဒုက္ခထပ်ပေးဦးမှာဖြစ်ပါတယ်။

ပထမကားမှာ သေဆုံးသွားခဲ့တဲ့ ရှိုင်လိုရဲ့ ညီမဂျက်စ်ဟာ အစ်မရဲ့ မပြီးဆုံးသေးတဲ့ အိပ်မက်တွေထဲက တစ်ခုကို အကောင်အထည်ဖော်ဖို့ ထိုင်းနိုင်ငံက အန္တရာယ်အလွန်များတဲ့ ကွမ်တောင်ကို ထွက်လာခဲ့ပါတယ်။
မိုးတွင်းမို့ ပျဉ်ပြားလမ်းတွေဟာ ရေခဲပြင်လို ချော်နေကြောင်း နယ်ခံတွေက သတိပေးပေမဲ့ ခေါင်းမာမာနဲ့ တရားမဝင်လမ်းပြတစ်ယောက်ငှားပြီး မရရအောင်တက်ပါတော့တယ်။

ဒီလိုနဲ့ မတ်စောက်လွန်းတဲ့ ကျောက်ကမ်းပါးတွေနဲ့ အဆုံးမမြင်ရတဲ့ ချောက်နက်ကြီးတွေကြားက ကျဉ်းမြောင်းတဲ့လမ်းပေါ်မှာ ခြေတစ်လှမ်းမှားလိုက်တာနဲ့ အသက်ပေးရနိုင်တဲ့ အခြေအနေတွေကို ရင်ဆိုင်ကြရပါတော့တယ်။

လက်နဲ့ကျောက်ကို အားပြုရင်း တစ်လှမ်းချင်းတက်ရတဲ့ အန္တရာယ်များတဲ့ လမ်းကြောင်းတွေ၊ အောက်ကိုငုံ့ကြည့်မိရင် ခေါင်းမူးစရာကောင်းလောက်တဲ့အမြင့်တွေ၊ မမျှော်လင့်ထားတဲ့ အတားအဆီးတွေနဲ့အတူ တောင်ပေါ်ကနေ လွတ်မြောက်ဖို့ ကြိုးစားရတဲ့ စွန့်စားခန်းတွေက ဇာတ်လမ်းတစ်လျှောက်လုံး ရင်တထိတ်ထိတ်ဖြစ်စေမဲ့အပြင် မထင်မှတ်ထားတဲ့ အန္တရာယ်အလှည့်အပြောင်းတစ်ခုလည်း ပါလာဦးမှာမို့ survival thriller ပုံစံကြိုက်သူတွေရဲ့ ကြည့်ရှုသင့်တဲ့ဇာတ်ကားပေါ့ဗျာ။

Genre ….. Mystery, Thriller
Quality ….. 720P / 1080P WEB-DL AAC 5.1 (HEVC)
File Size ….. 849.42MB / 1.78GB
Review ….. LL
Translator ….. RMC Team
Encoder ….. Ray

Rainbow Channel