Haunted university 3 (2024)

ဒီတစ်ခါတော့ Horror ပရိတ်သတ်တွေကြားမှာ နာမည်ကြီးပြီးသားဖြစ်တဲ့ Haunted university ရဲ့ season 3 လေးအကြောင်းပြောပြချင်ပါတယ်။ အရှေ့မှာ 1 နဲ့ 2 နဲ့ ထွက်ရှိပြီးသားဆိုပေမယ့် ရှေ့ပိုင်းတွေနဲ့က အဆက်အစပ်မရှိဘူးဆိုတော့ 3 ကနေပဲ စပြီးကြည့်ချင်တဲ့သူတွေအတွက်လည်း အဆင်ပြေတယ်လို့ ပြောရမယ်။

အဲ့တော့ ဒီတစ်ခေါက် Haunted university 3 လေးကလည်း အရင် Haunted university တွေလိုပါပဲ တက္ကသိုလ်ကျောင်းမှာ ထူးထူးခြားခြား ဖြစ်ပျက်ခဲ့တဲ့ သရဲဇာတ်လမ်းတွေကို ဇာတ်လမ်း ၃ ပိုင်းနဲ့ ရိုက်ကူးပြသထားတာပါ၊ ဆိုတော့ ရုပ်ရှင်တစ်ကားထဲကို ပျင်းအီနေအောင် အကြာကြီးကြည့်ရတာမျိုး မဟုတ်ပဲ ဇာတ်လမ်းတိုတိုနဲ့ ထိထိမိမိ‌ ဇာတ်လမ်းလေးတွေကို ကြည့်ရမှာဆိုတော့ ပျင်းစရာတော့ လုံးဝမကောင်းမှာသေချာပါတယ်။

ဒီထဲကဇာတ်လမ်းသုံးခုရဲ့ အကျဉ်းကို ပြောပြရရင်တော့ ပထမအပိုင်းမှာဆိုရင် တက္ကသိုလ်ကျောင်းသားတွေ သွားနေကျ ဆုတောင်းပြည့်နတ်နန်းမှာ ကျိန်စာသင့်နေတဲ့ ခေါင်းပြတ်သရဲရဲ့ သောင်းကျန်မှုတွေကို မြင်ရမှာပါ၊ ဒုတိယအပိုင်းမှာဆိုရင်တော့ ထိုင်းကား ပရိတ်သတ်တွေ ရင်းနှီးပြီးသားဖြစ်မယ့် sotus စနစ်ရဲ့ စီနီယာဂျူနီယာကြားက အစွဲအလမ်းကြီးပုံနဲ့ ဝမ်းနည်းဖွယ်ဇာတ်လမ်းကို ခံစားရပြီးတော့၊ နောက်ဆုံးအပိုင်းမှာဆိုရင် မင်းသားချောလေး Mark Siwat ပါဝင်ထားပြီးတော့ “မမြင်ရတဲ့နတ်ကွန်း” ရှာပုံတော်ကို ကြည့်ရှုရမှာပါ။

Thai horror ဆန်ဆန်ရိုက်ကူးထားတဲ့ ဇာတ်ကားလေးဆိုတော့ ကြောက်ဖို့လည်းကောင်း ရယ်လည်းရယ်ရနဲ့ ပျော်စရာကားလေးလို့တောင် ပြောလို့ရပါသေးတယ်။

Review By YOON
Translated By YOON, ATHET
Encoded By N.A.S