No Other Choice (2025)

အမှောင်ကြိုက်တဲ့ ညိုကီတိုအတွက်.. ဆောင်းတွင်းဆိုတော့ စောစော မှောင်တယ်လေ.. ဒီတော့ မှောင်ရမယ်၊ ရယ်ရမယ်၊ လျှိဝှက်သည်းဖိုလည်းဖြစ်ရမယ်၊ ဇာတ်လမ်းဇာတ်အိမ်လည်း ခိုင်တဲ့ အီဗြောင်ဟျွန်းနဲ့ ဗိုလ်ကြီးကတော် မမ Son Ye-Jin တိုရဲ့ IMDB 7.9/10, Rt 100 % ရရှိထားတဲ့ အသစ်စက်စက် Comedy/Thriller ဇာတ်ကားလေးနဲ့ မိတ်ဆက်ပေးချင်ပါတယ်။ The Handmaiden ရဲ့ ပဲ့ကိုင်ရှင် ဒါရိုက်တာ Park Chan Wook ရဲ့ လက်ရာဖြစ်တာနဲ့အညီ ကိုရီးယားနိုင်ငံရဲ့ ဂုဏ်သိက္ခာကြီးမြင့်တဲ့ ဆုပေးပွဲတွေမှာ ဆုတွေ တန်းစီရရှိထားပြီး အသံစနစ်အားကောင်းကောင်းနဲ့ ဇာတ်လမ်းကို ကြွတက်နေအောင် ပံ့ပိုးပေးထားတာမို အချိန်ပေးရကျိုး နပ်စေမဲ့ ကားကောင်းလေးတစ်ကား ဖြစ်ပါတယ်။

“ဘယ်လိုမှ မတတ်နိုင်ဘူးလေ”
လူတိုင်းရဲ့ဘဝမှာ ဘယ်လိုမှ မတတ်နိုင်ဘူးဆိုတဲ့ ရွေးချယ်စရာမရှိတဲ့ ဘေးကြပ်နံကြပ်အခြေအနေမျိုး ကြုံဖူးကြမှာပါ။ မိသားစုရဲ့အိမ်ထောင်ဦးစီးဖြစ်သူ ယူမန်ဆူ တစ်ယောက်လည်း သူ့ဘဝတစ်ခုလုံး နစ်မြုပ်ထားတဲ့ အလုပ်ကနေ ရုတ်တရက်ကြီး လူလျှော့ခံလိုက်ရတဲ့အချိန်မှာတော့ အလုပ်သစ်ရှာခြင်းဆိုတဲ့ ဘေးဒုက္ခ အကြီးကြီးနဲ့ ရင်ဆိုင်ခဲ့ရပါတော့တယ်။

စက္ကူစက်ရုံမှာ ၂၅ နှစ်ကြာ အလုပ်လုပ်ခဲ့ပြီး စောင့်ရှောက်စရာ ကလေး ၂ ယောက်နဲ့ မိန်းမချောချောလေးပါ ရှိတဲ့ ယူမန်ဆူတစ်ယောက် အိမ်လေးတစ်လုံး ကျားကုတ်ကျားခဲ ကြိုးစားဝယ်ထားရတာမို အိမ်လေးကို အဆုံးရှုးခံရမှာကြောက်တဲ့စိတ်နဲ့ အားကြိုးမာန်တက် အလုပ်ရဖိုရေး ဒိုအရေးဆိုပြီး လုံးပန်းရပါတော့တယ်။ အလုပ်ရှာသူတွေ များလှတဲ့ လောကကြီးထဲ သူတိုနယ်ပယ်ထဲက တခြားယှဉ်ပြိုင်ဘက်တွေကို အနိုင်ရနိုင်မှသာ အလုပ်ရနိုင်မှာမို မန်ဆူက “ဒီတောင်ကို အမောင် မကျော်နိုင်” မဖြစ်ဖိုအရေး သူနဲ့ပြိုင်ဘက်ဖြစ်လာနိုင်တဲ့ တခြားသူတွေကို တစ်ဖက်လှည့်နဲ့ ပထုတ်ဖို ကြိုးစားပါတော့တယ်။

လှည့်ကွက်တွေသုံးပြီး အကုန်လုံးကို ကစ်ထုတ်ဖို ကြိုးစားရာမှာ စီစဉ်ထားသလိုပဲ အောင်မြင်သွားမလား၊ အလွဲလွဲအချော်ချော်တွေ ဖြစ်ပြီးပဲ ကျရှုးသွားမလားဆိုတာကိုတော့ TGIF လေးမှာ မှောင်ရင်း ရယ်မောရင်း အစအဆုံး ရှုစားနိုင်ပါပြီ။

Genre ….. Comedy, Crime, Thriller
Quality ….. 720P / 1080P HDRIP (HEVC)
File Size ….. 1.12GB / 2.33GB
Review ….. BOM
Translator ….. Bom, Verona, Ame
Encoder ….. N.A.S

Rainbow Channel