Pangku (2025)

ဆူးခင်းလမ်းထက်က ခြေရာများ

IMDB ⭐️ 8/10

၁၉၉၈ ခုနှစ်ရဲ့ စီးပွားရေးအကျပ်အတည်း၊ စက်ရုံတွေပိတ်သိမ်းပြီး ကုန်ဈေးနှုန်းတွေ အဆမတန်မြင့်တက်နေတဲ့ အချိန်ကာလမှာ လူမမယ် သန္ဓေသားလေးကို လွယ်ထားရတဲ့ မိန်းမငယ်လေး ဆာတီကာ…

ခိုကိုးရာမဲ့သွားတဲ့အချိန်မှာ ဗိုက်ထဲကသွေးသားလေးအတွက် ဘာအလုပ်ဖြစ်ဖြစ် လုပ်မယ်ဆိုတဲ့ ဆုံးဖြတ်ချက်နဲ့ လူတွေအထင်အမြင်သေးတဲ့ ကော်ဖီဆိုင်မှာ အလုပ်ဝင်လုပ်ခဲ့ရပါတယ်။ ညဉ့်နက်တဲ့အထိ ဧည့်သည်တွေရဲ့ အကြိုက်ကိုလိုက်လျောပြီး ရလာတဲ့ပိုက်ဆံလေးတွေနဲ့ သားလေး ဘာယူကို လူလုံးသူလုံးလှအောင် ကျွေးမွေးပြုစုခဲ့ရတဲ့ မိခင်တစ်ယောက်ရဲ့ဘဝက ဝတ္ထုတစ်ပုဒ်လိုပါပဲ။

အချိန်တွေကြာလာတဲ့အခါ သားလေး အရွယ်ရောက်လာခဲ့တယ်။ ကျောင်းထားဖို့ ကြိုးစားပေမဲ့ “ဖခင်နာမည်” မရှိလို့ ကျောင်းအပ်ခွင့်မရတဲ့အခါ မိခင်တစ်ယောက်ရဲ့ ရင်ကွဲနာကျမှုတွေ… ဖခင်ကို တမ်းတနေတဲ့ သားငယ်လေးရဲ့ အမေးစကားတွေအတွက် အရိပ်တစ်ခုအနေနဲ့ အားကိုးတကြီးခိုကိုးမိတဲ့ ရင်ခွင်က သူတပါးအပိုင်ဖြစ်နေခဲ့တာကို သိလိုက်ရတဲ့အခါမှာရော ဆာတီကာတစ်ယောက် ဘယ်လိုရင်ဆိုင်မလဲ။

လောကဓံရဲ့ ရိုက်ချက်တွေ ဘယ်လောက်ပြင်းပြင်း သားလေးမျက်နှာတစ်ခုတည်းကိုကြည့်ပြီး မိမိဘဝတစ်ခုလုံးကို ရင်းနှီးမြှုပ်နှံခဲ့တဲ့ မိခင်တစ်ယောက်ရဲ့ အနစ်နာခံမှုတွေကို ရုပ်ရှင်ကြည့်နေရင်းနဲ့ ဝတ္ထုတစ်ပုဒ်ဖတ်နေရသလို ခံစားရစေမဲ့ ကားကောင်းလေးတစ်ကားပဲ ဖြစ်ပါတယ်။

Genre ….. Drama
Quality ….. 720P / 1080P WEB-DL (HEVC)
File Size ….. 871.25MB / 2.19GB
Review ….. LL
Translator ….. LL
Encoder ….. SNNT

Rainbow Channel